^{لە شەو چوارشەمەی 1/11/2018 مەزارگەی پیرووز باوە مەهمۊ کە سەر وە ئایین یارسانەیل خانەقینە کریا وە ئامانج تیەریکەپەرەسەیل و هەڵتەقیاوە .
لە ڕووژێگ وەرجە ئێ ڕۊداوە لە مەراسم ئەربەعین لە شار خانەقین وە مدوو تەقینەوەی تروریستی ، دو هاوڵاتییش شەهید بۊن و هەفت کەسیش زامدار بۊن .
وێڕای سەرسڵامەتی و سەرەخوەشی و هاوخەم بۊنمان ئڕای بنەماڵە و کەس و کار شەهیدەگان و هیوای لەش ساقی زامدارەگان ، وە توندی ئێ کردمان دڕندانە و دەیدامانەی تروریستیە سەرکووم کەیمن کە لە دۊای 16 ئوکتوبر ئڕا پاسا کردن ئایینی و نژادی ، شار خانەقین کردێیەسە ئامانج .}

^{لە گشت مەردم خانەقین و سەرجەم ئایینەیل و نەتەوەیل جورایجوریەو ، داوا کەیمن کە هەر ئەو چۊن کە لە دریژای دیروک نمونەی ڕەنگینێگ لە وەیەکەو ژیان پێشکەش کردینە و قڵای بەرخوەدان بۊنە لە وەرایوەر " تعریب و تەرحیل و تەبعید " ، ئیسەیش نواگر بوون لە وەرایوەر ئەو ڕێوڕەنگ و فت و فێڵە کە لە دەور و وەر خانەقین وە ڕێیەو چوودن ئڕا لە ناو بردن وەیەکەو ژیانێگ ئاشتی خوازانە و دابڕانن خانەقین لە بەشەیلتر کوردستان .}

^{ئێجاریش هاوکات لە کەرکووک ئڕا داگیر کردن زەۊ یارسانەگان لە شار داقووق ، تەعریب دەس وە پێ کریاس کە هەر دریژەی ئەو سیاسەت شڤونیستانەس ک بەغدا لە خانەقین ئەوڕێ بێدن .
بێگومان یارسانەگان و پەیڕەوەیل ئایین یاری هەر لە زۊا لە سەردەم هاتن ئسڵام هان لە ژێر زەخت و فشار و هەڕەشە . وە لەی ناوە باوەمەهمۊ خانەقین و باوەگوڕگوڕ کەرکووک ، دیروک بەرخوەدان کوردن لە ئەو هڵاماتە ک کریاسە سەر شارستانیەت کورد .
ئمڕووییش وە داخەوە دۊنیمن کە مەزارگەی باوەمەهمۊ ک ڕەمزێگە ئڕا کوو کردن و وەیەکەو ژیان ئایینەیل و نەتەوەیل جواریجور شار خانەقین ، کرێدە ئامانج . وە لە ڕاس جورێگ برنگ وەشانن لە یەکیەتی مەردم خانەقینە .
وەی مدووە لە گشت لاینەیل پەیوەندی دار هەرێم کوردستان و هێزەیل هاوپەیمانی و سازمان ماف مروڤ داوا کەیمن کە هەرچێ زۊتر هێزەیل پێشمەرگە هەڵگەردننەو وە سنوور خانەقین و هێز ئاسایش لەورە چالاکەو بکرێد و چەترێگ بوون ک وە بێ جیاوازی گشت نەتەوەیل ئەو دەڤەرە بپارێزن .
ئێجاریش لە مەردم خانەقین خوازیاریمن ک ئڕا نووژەن کردن مەزارگە ، زۊتر خوەیان هێز بگرن و دەس وە کار بوون و نەیلن کە کەسانێگتر وە ڕشانن ئرمێس تمساح لە ژێر ناو نووژەن کردن ئەو مەزارگە ، وە مەیل خوەیان معماریێ بگووڕنن و بڕەسنە ئامانجەیل چەپەڵیان .}

^{ئیمەیش ڕووشن و ئاشکرا وە گشت نەیاران گەل کورد ئۊشیمن ک وە ئێ کردمان دڕندانە و دەیدامانە یەکیەتی و یەکگرتن مەردم خانەقین لە ناو نیەچوودن . ئێجاریش وە یەکڕزی ئایینەیل شیعە و یارسان و سونی ، گشت فت و فێڵ و ڕێوڕەنگدان ، لە گووڕ دانرێدن .}

^{هەر ئەو جوور ک وە شەهید کردن ملازم جوامیرەگان و لەیلاگان و حسێن مەنسوورەگان و موحەمەد نووریەگان نەتۊەنسین ئرادەی خانەقین بشکنینەو ، ئمڕوویش هەر جوان کرماشانی و ئیلامی و خانەقینی وە قەڵەمەگەی ئەحلام و عەزیز پشتیوان لە لیدان یاخیەو بوون .}

^{لە پەرتخا وە ئاگایی ڕەسنیمن ک لە هەر بار و رەوشێگ هاوپەیمان و پشتیوان خوەیشکەیل و برایلمان لە خانەقین هەیمن و خەم و ئازار ئەوان خەم و ئازار گشتمانە . وە بەرپرسیارەتی گشت ئەو تاوانەیلە ها لە مل حەشدشەعبی . کوومەڵگای ناو دەوڵەتییش دی فرەتر لە یە نەبایەد بێ دەنگ بمینێد.
گشت شێوەیل تروریسم سەرکووم کرێدن ، وە بایەد گشت وڵاتەیل جەهان یەکگرتی بوون و زەز وە ئێجور کردمانەیل تروریستیێگ بووسنەو تا لێوا ئاشتی جەهانی نەکەفێدە مەترسی .}

^{بڕێگ لە نۊسەرەیل، هونەرمەندەیل و چالاکوانەیل مەدەنی کرماشان و ئیلام}

<sup>1. ئەردەشێر كشاوەرز-نووسەر- كرماشان
2. ئاكۆ جەلیلیان – نووسەر - كرماشان
3. ژیار جەهانفەرد- نووسەر- كرماشان
4. حسێن سەفامەنش- هۆنەرمەند – كرماشان
5. سەعید عبادەتیان – شاعر – كرماشان
6. كامران محمد رەحیمی – نووسەر – ئیلام
7. سعدالله جەهانگیری _ مامۆستای زانكۆ_ ئیلام
8. كاوە كرماشانی- چالاكی مافی مرۆڤ – كرماشان
9. ئەفشین غولامی – رۆژنامەنووس- كرماشان
10. مەسعوود عەزیزی- هۆنەرمەند- كرماشان
11. مێهرداد موشەشەعی – هۆنەرمەند - كرماشان
12. كەیوومەرس كولەجوویی(لەكە میر) – شاعر - كرماشان
13. ژاكان باران- شاعر - ئیلام
14. كەیوومەرس فەتحی – چالاكی سیاسی – كرماشان
15. جەمشید وەیسی – شاعری مندالان – كرماشان
16. حەمزە جە‌عفەری – هۆنەرمەند- كرماشان
17. فەرهاد عزەتی‌زادە – نووسەر- كرماشان
18. فەرشاد دووستی‌پوڕ – چالاكی سیاسی – ئیلام
19. هاشم عەلی‌وەیسی – نووسەر و لێكولەر - كرماشان
20. كیارەش شەهسەواری – چالاكی سیاسی – كرماشان
21. محەمەد رەزا ئسكەندەری – رۆژنامەنووس – ئیلام
22. فەرزانە ئەردەشێری – چالاكی مافی ژنان – كرماشان
23. ‌حەسەن بەڵەدە – چالاكی مەدەنی – كرماشان</sup>

<sup>24. سارۆ خەسرەوی – نووسەر و میدیاكار – كرماشان
25. هەژیر هاشمی – رۆژنامەنووس – كرماشان
26. ئێحسان نیكپەی - رۆژنامەنووس- ئیلام
27. ئەمین رەحیمی‌نژاد- زمانناس- ئیلام
28. سیروان كەمانگەر- چالاكی سیاسی – كرماشان
29. نەسرین باوەندپوور – شاعر – ئیلام
30. عەباس محەمەدزادە - نووسەر – ئیلام
31. حەبیب اللە تورەنگ - پارێزەر- ئیلام
32. رەحمەت چراغی-چالاكی فەرهەنگی- ئیلام
33. محەمەد بازئەفكەن - چالاكی فەرهەنگی- ئیلام
34. جواد مورادی _چالاكی مەدەنی_ئیلام
35. فەرشاد رەمەزانی - چالاكی فەرهنگی - كرماشان
36. همایوون عەباسی- روژنامەوان- كرماشان
37. زەینەب شەفیعی - شاعر- ئیلام
38. حەمزە كەرەمی - شاعر – كرماشان
39. . هانا شەفیعی - شاعر- كرماشان
40. حەدیس عەباسی - چالاكی فەرهەنگی – كرماشان
41. روح‌الله لەتیف نژاد - چالاكی فەرهەنگی – ئیلام
42. عەلی نەزەری – شاعر – كرماشان
43. رزگار بەهادر – زمانناس – كرماشان
44. وریا سەناعی – چالاكی مەدەنی - ئیلام
45. رێبوار رەحیمی – زمانناس - كرماشان
46.وەحید كەمالی - چالاكی سیاسی - ئیلام
47. ئەفشین كەرەمیان‌نەسەب - چالاكی سیاسی- كرماشان
48. عەتا مەسووری - رەخنەگر له بواری فەلسەفە و ئەدەبیات- ئیلام
49. سومەیە فەلاحی- شاعر- ئیلام
50. ساڵەح چراخی - هونەرمەند - دلێران، ئیلام
51. ئارەش ئەفزەڵی - شاعر - كرماشان
52. ساسان زەنجانی
53. سامان فەتحی بەیرانوەند
54. شەهریار تەهماسبی
55. ئاژوان رازیانی - كرماشان</sup>

^{٤/١١/٢٠١٨}