دەیان کەس لە باشوری عێراق بریندارن بەهۆی تەقەکردنی پۆلیسەوە، هەرچەندە هێزەکانی پۆلیس دەڵێن بە مەبەستی بڵاوە پێکردنی خۆپیشاندەران تەقەیان بە ئاسماندا کردووە.

^{خۆپیشاندەران ناڕەزایی خۆیان دەردەبڕن لە بەرامبەر بێکاری و نەبوونی خزمەتگوزارییە بنچینەییەکان و دوو هەفتەیە ئەم خۆپیشاندانانە بەردەوامن.}

^{ئەمڕۆ یەکشەممە خۆپیشاندەران لە شاری بەسڕە هەوڵیان دا پەلاماری بارەگا سەرەکییەکانی پارێزگاری شارەکە بدەن بەڵام هێزە ئاسایشیەکان ڕێگەیان لێگرتن و بڵاوەیان پێکردن.}

^{48 کەس لە ڕووداوەکانی ئەمڕۆ یەکشەممە لەو شارەدا بریندارن بەهۆی پێکدادانی نێوان خۆپیشاندەران و پۆلیسەوە وەک لە هەواڵێکی ئاژانسی دەنگوباسی ڕۆیتەرزدا ئاماژەی پێکراوە.}

^{ئەنجومەنی ئاسایشی نیشتمانی عێراق بڵاوەی بە هێزی ئاسایشی کردووە و هەروەها تۆڕەکانی ئینتەرنێتیشی بڕیون هاوکاتی خۆپیشاندانەکان کە بەهۆی فەرمانڕەوایەتی خراپ و گەندەڵی و بێکارییەوە دەستیانپێکرد و دواتر پەرەی سەند بۆ ژمارەیەک شاری تری عێراق.}

16/7/2018