^{نیکی هێلی، نوێنەری ئامریکا لە ڕێکخراوی نەتەوەیەکگرتووەکان دوو ڕۆژ پێش، سەردانی هێندی کرد و ئەمڕۆ ڕایگەیاند:" نارندرا مۆدی سەرۆک وەزیرانی وڵاتی هێند، بە گشتیی لە ستراتێژی ئێمە سەبارەت بە ئێران ئاگادارە و هەر بە هۆی بە ئاگابوونی نە پرسیاری کردووە و نە ڕەخنەشی بووە.}

^{نیکی هێلی لە درێژەی قسەکانیدا وتی: وڵاتی هێند زۆر باش دەزانێ کە باروودۆخی ئێران ئێستا زۆر هەستیارە و هەر وەک ڕابردوو پەیوەندی هێند و ویلایەتەیەکگرتووەکانی ئەمریکا بەهێز دەمێنێتەوە.}

^{هێند یەکێک لە گرینگترین کڕیارەکانی نەوتی ئێرانە كە لە ساڵی 2017، 22 ملوێن تۆن نەوتیان لە ئێران كڕیوە هەر بۆیە باشترین بژاردەیە بۆ هاوپەیمانی زیاتر لەمبارەیەوە بۆ ئەمریکا.}

^{نوێنەران و دیپلۆماتەکانی ئامریکا هەروەها لە لە درێژەی سەردانەکانیان، لە گەڵ چەند شیرکەتی گەورەی ئورووپاش کۆبوونەوە و خوازیاری کۆتایی هێنانی بازرگانی و کڕینی نەوتی ئێران بوون.}

^{نوێنەرانی ئەمریکا لەم دانیشتنانەدا ڕایگەیاند: ئەگەر ئەم کۆمپانیایانە بیانهەوێت درێژە بە کار کردن لەگەڵ ئێران بدەن ئەوە ئەوانیش دەچنە ناو لیستی گەمارۆکانی ئامریکاوە لە داهاتوویەکی نزیکدا.}

29/6/2018