^{بەهۆی لێدانی پارێزەرەکانی پارێزگاری کرماشان، وێنەگر_هەواڵنێرێکی کرماشان ڕەوانەی نەخۆشخانە کرا.}

^{بەپێی هەواڵی  هەواڵدەریی کوردپا، "فەرزاد مەتنی" وێنەگر هەواڵنێری یەکێک لە هەواڵدەرییەکانی حکوومەتی ئێران، پاش لێدانی پارێزەرەکانی پارێزگاری کرماشان، ڕەوانەی نەخۆشخانە کرا.}

^{ئەو ڕووداوە لە ڕەوتی ڕۆیشتنی بەرپرسی کۆمیتەی ئیمداد بۆ شاری کرماشان روویداوە و بە وتەی مەتنی "هەڵسوکەوتێکی نەشیاو لە من ڕووی نەداوە".}

^{پاش بڵاوبوونەوەی ئەم هەواڵە، "خانە مطبوعات"ی پارێزگای کرماشان، بە بڵاو کردنەوەی بەیاننامەیەک، وێڕای مەحکووم کردنی ئەم هەوڵەی پارێزەرەکانی پارێزگاری کرماشان ڕایگەیاندووە: "ڕاگەیاندن کەرەستەی پەیوەندیی نێوان خەڵک و بەرپرسانە و پێکەوە هەڵکردن لەگەڵ راگەیاندن دەتوانێ لەو بوارەدا، چارەسەری زۆر لە کێشەکان بکات و هەروەها بەستێنێک بۆ پێشکەوتن و پەرەپێدان بۆ کۆمەڵگای لێبکەوێتەوە.}

^{لەو نێوەدا، هەواڵنێر وەکوو لێدانی دڵی کۆمەڵگا، پێگە و گرینگیەکی تایبەتی هەیە و هەتا ئەو جێگایە، بە شەهامەتەوە بڵێین کۆمەڵگا بەبێ میدیا و ڕاگەیاندن، کۆمەڵگایەکی مردووە".}

^{لە بەشێکی ئەو بەیاننامەیەدا هاتووە، وێڕای ڕۆڵ، گرینگی و پێگەی هەواڵنێران و خزمەتە بەرچاوەکانی ئەوان و هەروەها مەترسییە جۆراوجۆرەکانی سیاسی، حقووقی، یاسایی و کۆمەڵایەتی لە بەردەم ئەوان، پشتیوانی و پاڵپشتی کردن لەو چین و توێژە زەحمەتکێش و بێ‌ئیددعا، کارێکی پێویست و جیانەکراوەی کۆمەڵگا و بەرپرسانە، بەو پێیە "خانە مطبوعات"ی پارێزگای کرماشان بەپێی ئەرکی زاتی و سێنفی خۆی، هەوڵی ئەم دواییانەی پارێزەرەکانی پارێزگاری کرماشان لە لێدانی ئەو وێنەگر_هەواڵنێرە مەحکووم دەکات و داوای دەستبەجێ ڕوونکردنەوەی ئەو ڕووداوە پێشهاتووە و هەڵسوکەوت لەگەڵ تاوانباران دەکات."}

^{خانە مطبوعات پارێزگای کرماشان لەو بەیاننامەیەدا پێداگریی لە سەر ئەوە کردووە کە "هەتا کاتی ڕوونبوونەوەی ئەو ڕووداوە، بەداواداچوون بۆ ئەو ڕووداوە دەکات و خۆی بە بەرپرسی بەداواداچوون و پێڕاگەیشتن بۆ ئەو پرسە دەزانێت".}

24/6/2018