^{کچێکی کوردی خەڵکی شاری سەقز، لە لایەن دادگای گشتیی ئەوە شارەوە، بە ٥٠ زەربە قامچی لە پێش چاوی خەڵک و سزای نەختی مەحکووم کرا.}

^{بەپێی هەواڵی هەواڵدەریی کوردپا، لقی ١٠١ سزای دادگای گشتیی شاری سەقز، کچێکی کورد، بە ناوی "چینی ئاخرخوبـ"ـی بە ٥٠ زەربە قامچی لە پێش چاوی خەڵک و دانی بڕی ٤٠٠ هەزار تمەن پارەی نەخت مەحکووم کردووە.}

^{لقی ١٠١ سزای دادگای ئینقلابی شاری سەقز، ئەو کچە کوردەی بە هۆی "بەشداریی لە کۆبوونەوەی پشتیوانیی لە گشتپرسی بۆ سەربەخۆییی کوردستان" تۆمەتبار کردووە.}

^{ئەو کچە کوردە، ڕۆژی ٥ی ڕەزبەری ساڵی ڕابردوو، پاش بەڕێوەچوونی سەرکەوتووانەی گشتپرسی بۆ سەربەخۆییی کوردستان لە لایەن هێزە ئیتلاعاتییەکانەوە دەسبەسەر و پاش دوو مانگ لە زیندان ئازاد کرا.}

^{پاش بەڕێوەچوونی سەرکەوتووانەی گشتپرسی بۆ سەربەخۆییی کوردستانی عێراق، هاووڵاتییانی کورد لە شارەکانی کوردستانی ئێران، بە مەبەستی پشتیوانیی لەو گشتپرسییە ڕژانە سەر شەقامەکان و دەستیان کرد بە شادی و هەڵپەڕکێ، کە پاش ئەم پشتیوانیکردنە، ژمارەیەک لە هاووڵاتییان لە لایەن هێزە ئیتلاعاتییەکانەوە دەسبەسەر کران.}

22/6/2018