^{لە درێژەی جێبەجێکردنی گەمارۆکانی ئەمریکا بۆ سەر ئێران کۆمپانیای مەزدای ژاپۆن و هیۆندای کۆریای باشوور گرێبەستەکانیان لەگەڵ ئێران هەڵوەشاندووەتەوە.}

^{وەلی مەلەکی، ئەندامی کۆمسیۆنی پیشەسازیی پەرلەمانی ئێران بە میدیاکانی ئەو وڵاتەی ڕاگەیاندووە: "دوو کۆمپانیای بەرهمەهێنەری مەزدای ژاپۆنی و هیۆندای کۆریای کۆریای باشوور ڕایان گەیاندووە بەو هۆیەی لە ئەمریکا چەندان بەرانبەری ئێران قازانج دەکەن، بۆیە واز لە ئێران دەهێنن و گرێبەستەکانیان هەڵوەشاندەوە".}

^{گرووپی (بەهمەن) گرووپێکی دابینکەری خزمەتگوزاری و هاوردەی یەکەدەک و کەلوپەلی هەر دوو کۆمپانیای مەزدا و هیۆندالە ئیران بووە، کەوتووەتە بەر سزا و گەمارۆکانی ئەمریکا و گرێبەستەکانی لەگەڵ ئەو دوو کۆمپانیایە هەڵوەشاندووەتەوە.}

^{دۆناڵد ترەمپ، سەرکۆماری ئەمریکا نزیکەی یەک مانگ لەمەوبەر بە فەرمی لە ڕێککەوتنی ئەتۆمیی ئێران کشایەوە و بەپێی ئەو بڕیارەی ترەمپ، گەمارۆکانی سەر ئەو وڵاتە، لە ماوەیەکی زەمەنیدا دەکەونەوە گەڕ.}

^{دوای ئەم بڕیارەی ئەمریکا، چەندین کۆمپانیای گەورە و نێودەوڵەتی کار و چالاکییەکانیان لە ئێران ڕاگرت، یەک لەوان کۆمپانیای ئۆتۆمبێلی (بیجۆ)ی فەرنسا بووە.}

^{هەرچەند یەکێتیی ئەورووپا هەوڵەکانی خۆی خستووەتەتە گەڕ کە کۆمپانیا گەورەکان لە گەمارۆکانی ئەمریکا دەربهێندرێن، بەڵام ئەمریکا هیچ وەڵامێکی ئەو داواکاریەی یەکێتیی ئەورووپای نەداوەتەوە.}

16/6/2018