^{سەرۆکی ئەمریکا رایگەیاند ، قورسترین سزا بە سەر ئێراندا دەسەپێنێت کە تاوەکو ئێستا هاوشێوەی نەبووە. لەهەمانکاتدا هیوادارە ئێران بچێتە سەر مێزی گفتوگۆ.}

^{دۆناڵد ترەمپ ، سەرۆکی ئەمریکا لە میانەی کۆنفرانسێکی رۆژنامەڤانیدا کە لەگەڵ شینزۆ ئابێ ، سەرۆکوەزیرانی ژاپۆن ، لە واشنتن ئەنجامیدا رایگەیاند: "ئەو سزایانەی کە ئەمریکا بە سەر ئێراندا دەیانسەپێنێت قورسترین سزا دەبن و تەنانەت لەوانەی سەر کۆریای باکووریش تووندتر دەبن".}

^{سەرۆکی ئەمریکا هاوکات گوتی ، هیوادارە ئێران بچێتە سەر مێزی گفتوگۆ و رێککەوتنێکی نوێ بێنێتە کایەوە. ترەمپ ئاماژەشی بەوە دا ئەو دژی بەستنی رێککەوتنێکی ئەتۆمی نییە ، بەڵکو دژی ئەو رێککەوتنە ئەتۆمییەیە کە ساڵی 2015 و لە سەردەمی ئیدارەی باراک ئۆباما سەرۆکی پێشووی ئەمریکا لەگەڵ ئێران بەستراوە.}

^{لەدوای ئەوەی بەبڕیاری ترەمپ ئەمریکا لە رێککەوتنی ئەتۆمی لەگەڵ ئێران هاتەدەرەوە ، گەمارۆکانی سەر ئێران تادێت زیاتر دەبن و بەشێکی زۆری کۆمپانیا جیهانییەکان یان لە ئێران هاتوونەتەدەرەوە و گرێبەستەکانیان لەگەڵ ئێران هەڵوەشاندووەتەوە ، یانیش پلانیان داناوە تاوەکو کۆتایی ئەمساڵ لە ئێران بێنەدەرەوە. نموونەی کۆمپانیا فڕۆکەسازی و ئۆتۆمبێل سازییەکانی ئەوروپا و پاڵاوگە گەورەکانی نەوت لە ئەوروپا.}

9/6/2018