^{ئەمەریکا 12 مەرجی سەرەکی بۆ ئێران داناوە بۆ لابردنی سزاکانی سەری و دەسـتپـێکردنەوەی پەیوەندی دیـپـلۆماسی و بازرگانیـیەکان لەگەڵیدا و هەروەها بوژاندنەوەی ئابوریـیەکەی.}

^{مایک پەمپـێو وەزیری دەرەوەی ئەمەریکا ئەمڕۆ لە وتارێکدا سیاسەتی نوێی واشنتنی بەرامبەر ئێران خستە ڕوو و گوتی ئەو وڵاتە بووەتە مایەی ناسەقامگیری لە ڕۆژهەڵاتی ناوەڕاست و ئەگەر واز لە سیاسەتە دوژمنکاریـیەکانی نەهێنێت، ئەوا قورسترین سزای بەسەردا دەسەپـێنرێت.}

^{گوتیشی چیتر واشنتن لە بارەی ڕێکەوتنی ناوکی وتووێژ ناکات، بەڵکو کۆمەڵێک داواکاری هەن کە دەبێت ئێران جێبەجێان بکات تاوەکو ئەمەریکا لە بەرامبەریدا هەڵوێستی بگۆڕێت. داواکاریـیەکانیش:
یەکەم: دەبێت ئێران تەواوی ڕەهەندە لەشکریـیەکانی سیستەمی ناوکی خۆی ئاشکرابکات و بەردەوام ڕێگە بە ئاژانسی نێودەوڵەتی وزەی ئەتۆم بدات پـشکنین بکات.}

^{دووەم: پـیتاندنی یۆرانیۆم ڕابگرێت و هەوڵ نەدات کار لەسەر پـلۆتۆنیۆم بکات و ڕیاکتەری ناوکی دابخات ئەوەی بە ئاوی قورس کاردەکات.}

^{سێـیەم: مۆڵەتی بێ سنوور بە ئاژانسی نێودەوڵەتی وزەی ئەتۆم بدات لەوەی دەستی بگات بە هەموو دەزگا ناوکیـیەکان، بە لەشکری و نا لەشکریشەوە.}

^{چوارم: سنوورێک دابنێت بۆ بڵاوکردنەوەی موشەکی بالیستی و هەڵدانی ئەو موشەکانەی دەکرێت کڵاوەی ناوکیان لێببەسترێن.}

^{پـێنجەم: ئازادکردنی هاوڵاتیانی ئەمەریکایی و هەموو هاوڵاتیانی وڵاتانی هاوپەیمان.}

^{شەشەم: سنوورێک دابنێت بۆ پـشتیوانیکردن لە گروپە تێرۆرستیـیەکان لە ڕۆژهەڵاتی ناوەڕاستدا، وەکو حزبوڵڵا و بزوتنەوەی حەماس و جیهادی ئیسلامی.}

^{حەوتەم: ڕێز لە حکومەتی عێراق بگرێت و ڕێگەبدات چەکداماڵینی ملیشیا شیعەکان بکرێت.}

^{هەشتەم: سنوورێک بۆ پشتیوانیکردنی حوثیـیەکان دابنێت و کاربکات بۆ گەیشتن بە چارەسەرێکی سیاسی لە یەمەن.}

^{نۆیەم: کشانەوە لە سوریا و کشانەوەی فەرماندەکانی لەوێ.}

^{دەیەم: دانانی سنوورێک بۆ پـشتیوانیکردنی لە تاڵیبان و قاعیدە و ڕێکخراوی دیکەی تێرۆرستی لە ئەفغانستان.}

^{یازدەهەم: دانانی سنوورێک بۆ پشتیوانیکردن لە فەیلەقی قودسی سوپای پاسداران، ئەوەی پشتیوانی لە تێرۆرستان دەکات لە جیهاندا.}

^{دوازدەهەم: دانانی سنوورێک بۆ ئەو ڕەفتارانەی جێی هەڕەشەن بۆ سەر دراوسێـیەکانی کە زۆربەیان هاوپەیمانی ئەمەریکان، ئەمەش مەسەلەی هەڕەشەی وێرانکردنی ئیسرائیل و لەناوبردنی دەگرێتەوە وە هەروەها هەڵدانی موشەک بۆ سەر سعودیـیە و ئیمارات و هەڕەشەکردن لە هاتوچۆی دەریایی و هێرشی ئەلیکترۆنی.}

22/5/2018