^{تیمی دراگۆن بووتی زرێباری مەریوان، لە کێبڕکێی نێودەوڵەتی لە وڵاتی گورجستان، لە مەودای ٢٠٠ میتری پلەی یەکەمی بە دەست ‌هێنا.}

^{کێبڕکێی نێودەوڵەتی دراگۆن بووت، ڕۆژی ١٥ی بانەمەڕ لە شاری تفلیس، پێتەختی وڵاتی گورجستان بەڕێوەچوو و تیمی دراگۆن بووتی زرێباری مەریوان لەو کێبڕکێیەدا توانی بە سەر ڕکابەرەکانیدا سەر بکەوێت.}

^{ئەو کێبڕکێیە بە بەشداریی پێنج وڵاتی ئێران، گورجستان، ئەرمەنستان، قەتەر و فیلیپین لە ماددەی ٢٠٠ مێتری لەگەڵ یەکتردا کێبڕکێیان کرد.}

^{ئەندامانی تیمی زرێباری مەریوان، بریتی بوون لە: فەرشید ناسری، فەرهاد ئەولیایی، ساسان مەتین، سینا سەلاحی، شاهۆ ڕەحمانی، زانا ساعدی، کەسرا ئەشرەفی، فاروق ئیسحاقی، سارۆ و ماکوان باوانی، مێهرداد شێرزادی، ئەفشین ساڵحی، کامیار سەیدزاهدی، دانیاڵ نمەکی، موبین خالدیان، نیما محەممەدی، مانی مەلەکولکەلامی و سالار کەبووتەری.}

^{تیمی زرێباری مەریوان، وەکوو نوێنەری پارێزگای سنە لەو کێبڕکییە جیهانییەدا بەشداری کردووە و پلەی یەکەمی بە دەست هێناوە.}

6/5/2018