^{هەرچەندە فشارێکی نێودەڵەتی زۆر هەبو بۆ ئازادکردنی بەڵام ئەمڕۆ دادگای ئێران ڕامین حسێن پەنای گواستەوە بۆ ژوری لەسێدارەدان.}

^{ئەمڕۆ سێ‌شەممە ڕامین حسێن پەناهی، زیندانیی سیاسیی کورد لە زیندانی سنە نێردراوە بۆ ژووری تاکەکەسی و وابڕیارە بەرەبەیانی پێنج شەممە لە سێدارە بدرێت.
ئەمجەد حسێن پەناهی، برای ڕامین ڕایگەیاندوە "ڕامین حسێن پەناهی ئەمڕۆ گوازراوەتەوە بۆ زیندانی تاکەکەسی و بەپێی بڕیاری دادگا پێش خۆرهەڵاتنی ڕۆژی پێنج شەممە لە سێدارە دەدرێت".}

^{ئەمجەد حسێن پەناهی، ئاماژەی بەوەشداوە "پێشتر بەرواری جێبەجێکردنی سزای سێدارەی ڕامین-یان پێ ڕاگەیاندووین، بەپێی ئەو بەروارە بەرەبەیانی پێنج شەممە کاتی لە سێدارەدانییەتی، ئەمڕۆش گوازراوەتەوە بۆ زیندانی تاکەکەسی".}

^{ڕامین حسێن پەناهی، زیندانیی سیاسیی کوردی خەڵکی شاری سنەی ڕۆژهەڵاتی کوردستانە، کە ساڵی پار دەستگیرکرا و پاشان لەلایەن لقی سنەی دادگای "شۆڕشی ئیسلامیی"وە، بە تۆمەتی 'بەغی' واتە شەڕ لەگەڵ حکومەتی ئیسلامی، سزای سێدارەی بەسەردا سەپێندرا.}

^{جێگای ئاماژەیە، تا ئێستا چەندین ڕێکخراویی ناوخۆیی و نێودەوڵەتی ناڕەزاییان دژی سزاکەی ڕامین پیشانداوەو داوایان لە حکومەتی ئێران کردووە، کە ئەو سزایە جێبەجێ نەکات، بەڵام تا ئێستا لەلایەن ئێرانەوە هیچ وەڵامێکی ڕەخنەگران نەدراوەتەوەو سوورن لەسەر جێبەجێکردنی سزاکە.}

5/3/2018