^{پارێزەرێکی ناسراوی کورد، داوای لە نیزامییەکانی حکوومەتی ئێران کردووە، بە جێگای کوشتنی ئەسپی کاسبکارن، ئەسپەکان بدزن، باشترە.}

^{عوسمان موزەیەن، پارێزەری ناسراوی کورد، خەڵکی شاری سەردەشت بە بڵاوکردنەوەی بابەتێک لە تۆڕی کۆمەڵایەتی "تێلگرام" دژکردەوەی خۆی سەبارەت بە کوشتنی ئەسپی کاسبکاران دەربڕی.}

^{ئەو پارێزەرە ناسراوەی کوردە دەڵێت: "ئەو هێستر و ئەسپانە کە بە کۆمەڵ و لە نیهایەتی بێڕەحمیدا دەکوژێن، ئاژەڵگەکێکن کە لە خزمەت مرۆڤ دایە و کەرەستەیەکه بۆ هەڵگرتنی شتومەک و بەرهەمەکانی جووتیارانی کورد لە گوندەکان، بۆیه پاراستنی گیانیان جێگای ڕێزە".}

^{ناوبراو دەڵێت: "هەر وەک ئەشکەنجەدەری سەگێگ یان ڕێوییەک بێجگە لەوەیکە کردەوەیەکی ناحەز و قیزەونە، ئەو تاوانبارە لە ئەخلاق بە دووره ، چاوەڕوان دەکرێت کە بکوژەرانی ئەسپ و هێستری کاسبکاران کە ماوە ماوە لە کوردستان بە کۆمەڵ یان بە تاک ڕوو دەدات، بناسرێن و لە لایەن بەرپرسانی حکوومەتییەوە سزا بدرێن.}

^{عوسمان موزەین لە درێژەدا دەڵێت: "ئەو هێسترانە هەر وەک سەگ و ڕێوی ئاژەگەلێکن کە مافی ژیانیان هەیە و سەرەڕای ئەوە، خاوەنی بەهاییەکی ماڵین بۆ خاوەنەکەیان و بە کوشت چوونی ئەوان زیانێکی زۆر بە خاوەنەکانیان دەگەیەنێت".}

^{لەماوەی دوو ڕۆژی ڕابردوودا، ژمارەیەک لە ئەسپی کاسبکارانی کورد، لە گوندەکانی "میرئاوا و پێگەڵە"ی شاری شنۆ لە لایەن هێزە نیزامییەکانی حکوومەتییەوە کوژران و لاشەکانیان لە مووچە و مەزرای خەڵک فڕێ دراوە.}

30/4/2018