^{چالاکێکی مەدەنیی خەڵکی شاری مەریوان پاش دەستبەسەر کردنی لەلایەن هێزە لیباس شەخسییەکانی حکوومەتی لەو شارە، پاش چەند کاتژمێر لێکۆڵینەوە ئازاد کرا.}

^{بەپێی هەواڵی هەواڵدەریی کوردپا، ڕۆژی هەینی ١٧ی خاکەلێوە، هێزە لیباس شەخسییەکان سەر بە ئیدارەی ئیتلاعاتی شاری مەریوان چالاکێکی مەدەنیی خەڵکی ئەو شارەیان بە ناوی"شێرکۆ هورموزی" دەستبەسەر و بۆ گرتووخانەی ئەو ناوەندە حکوومەتییە ڕاگواست.}

 ^{ئەو چالاکە مەدەنییە لە شەقامی ئەستادیومی شاری مەریوان دەستبەسەر و پاش چەند کاتژمێر لێکۆڵینەوە لە گرتووخانە ئازاد کرا.}

^{جێگای ئاماژە پێدانە: لە هۆکاری دەستبەسەر کردنی ئەو چالاکە مەدەنییە هیچ زانیارییەک لە بەردەستدا نییە.}

^{شیرکۆ هورموزی، یەکێک لە چالاکانی مەدەنیی شاری مەریوان و ئەندامی ئەنجومەنی سەوزی چیای مەریوان و هەروەها خوێندکاری زانکۆی شاری مەریوانە.}

٧/٤/٢٠١٨