^{سەرۆکی مەجلیسی ڕێژیم لە دانپێدانانێکی نوێدا ڕایگەیاند: بۆ تەواوکردنی گەڵاڵە نیوەکارەکانمان، ٦٠٠ هەزار میلیارد تمەن پارە پێویستە.}

^{عەلی لاریجانی ڕێکەوتی ١٥ی خاکەلێوە لە چاوپێکەوتنێکدا لەگەڵ ئاخوندەکانی قۆم ڕایگەیاند: هەنووکە زیاتر لە ٦٥ هەزار گەڵاڵەی ئاوەدانی(عمرانی) نیوەتەواومان هەیە کە بۆ تەواوکردنیان پێویستیمان بە لانیکەم ٦٠٠ هەزار میلیارد تمەن هەیە.}

^{ئەم ئامارە نوێیە لە کاتێکدا لە زاری سەرۆکی مەجلیسەوە بڵاو دەکرێتەوە کە پێشتر ناوبراو ئاشکرای کردبوو، سەرجەم داهات و بودجەی ئێران بە پارەی نەوت و ماڵیاتیشەوە ناگاتە ٣٠٠ هەزار میلیارد تمەن کە ئەم مەسەلە ئێرانی کردووەتە وڵاتێک کە ئیدارە نەکرێت.}

^{لاریجانی سەبارەت بە کێشەکانی پێوەندیدار بە بودجەی ئەمساڵ ڕایگەیاند یەکێک لە سەرەکیترین کێشەکانمان مووچەی خانەنشینانە کە لە گەشبینانەترین حاڵەتدا ٣ ساڵ کاتمان دەوێ تاکوو چارەسەری بکەین.}

^{بەپێی ئێعترافی لێپرسراوانی رێژیم لە کۆی ١٨ سندووقی خانەنشینی ئێران، ١٧ سندووقیان بە تەواوی خاڵی بوونەتەوە بۆیە ساڵانە بەشی سەرەکی بودجە بۆ دانی موچەی خانەنشین‌کراوان سەرف دەکرێت.}