^{چەندین کانکێس لە گەڕەکی پاوەناری شاری سەرپێلی زەهاو، بە هۆی لێکەوتنی وایری کارەبا گڕیان گرت.}

^{ڕۆژی شەممە ڕێکەوتی ٤ی خاکەلێوەی ١٣٩٧ی هەتاوی، لە شاری سەرپێڵی زەهاو، ١٠ کانکێسی لێقەوماوانی بوومەلەرزەی کرماشان، بە هۆ گڕگرتنی وایری کارەبا، بەتەواوەتی سووتاون و کەلوپەلەکانی لێقەوماوان لە کانکێسەکان لەنێو چوون.}

^{بە وتەی سەرچاوە نێوخۆییەکان، ئاگرگرتنی کانکێسەکان، خەساری گیانی نەبووە و تەنیا ماڵ و سامانی خەڵک لەو گڕگرتنە سووتاون و خاونی کانکێسە گڕگرتووەکان، دیسان ئاوارە بوونە و سەرپەنایان نەماوە، بەرپرسانی ڕێژیمیش لەو ناوچەیە تا ئێستە سەرپەنایەکیان بۆ ئەو خەڵکە دابین نەکردووە.}

^{لە یەکەم ڕۆژەکانی ڕوودانی کارەساتی بوومەلەرزە لە کرماشان، بۆ چەندەمین جارە کە کانکێس و خێوەتی لێقەوماوان گڕ دەگرێت، کە زۆربەیان بە هۆی کێشەی کارەبا بوون، هەروەها بە هۆی لافاو لە زستان زۆربەی کانکێس و خێوەتەکان لەنێو چوون و بە هۆی ڕەشەباشەوە خێوەتەکان ڕووخاون.}

^{بە هۆی کەمتەرخەمییەکانی بەرپرسانی ڕێژیمی ئێران، نە تەنیا کانکێس بە ڕادەی پێویست هەتا ئێستە دابین نەکراوە، بەڵکوو ڕێژەیەکی زۆر لە کانکێسەکان بە هۆی ناستاندارد بوون لەنێو چوونە و خەڵک هەروا ئاوارە دەبن.}

^{بوومەلەرزە وەکوو ڕووداوێکی سروشتی خەساری زۆری بەو ناوچانە گەیاندووە، بەڵام دوای ڕوودانی بوومەلەرزەکە، کەمتەرخەمییە بەئەنقەستەکانی بەرپرسانی ڕێژیم، خەریکە خەساری زۆرتر بەو خەڵکە دەگەیەنێت.}

26/3/2018