^{مەحموود سادقی، نوێنەری پەڕلەمانی كۆماری ئیسلامی، رۆژی هەینی رایگەیاند: سەعید تووسی، قاری و مامۆستای قورئان كە تاوانی ئازار و دەستدرێژی سێكسی بۆ سەر مناڵان لەسەر ساغ ببۆوە، ئەو تاوانەی لە سەر لادراوە و ئازادە.}

^{مەحموود سادقی لە چەند پەیامێكی تویتەریدا لە هەژمارەكەی خۆی رایگەیاند:" لقی ٥٦ی دادگای پێداچوونەوەی تاران بە بێ واژۆی بەرپرسی دادگا و تەنها بە واژۆی دوو راوێژكار لە لقێكیتری دادگا، ئەو حوكمەی كە پێشتر بەم قاری و مامۆستای قورئانە درابوو هەڵوەشاندۆتەوە و ناوبراویان بە بێ تاوان دەركردووە.}

^{جێگەی ئاماژەیە سەعید تووسی بە تاوانی دەستدرێژی و ئازاری سێكسی مناڵان بە ٤ ساڵ زیندان حوكم درابوو، كە ئێستە حوكمەكەی هەڵوەشاوەتەوە و دەوترێت ژمارەیەك لە دەسەڵاتداران و كەسانی پلەبەرزی حكوومەتی و یاسایی، فەرمانی هەڵوەشاندنەوەی ئەو حوكمەیان داوە.}

٢٧/١/٢٠١٨