(2).jpeg)
دوو كۆڵبه‌ری كورد له شاره‌كانی سه‌رده‌شت و پیرانشار به‌هۆی ته‌قه‌ی ڕاسته‌وخۆی هێزه‌كانی سنوورپارێز بریندار بوون.
به‌پێی ڕاپۆرتی هێرانا، له ماوه‌ی چه‌ند ڕۆژی ڕابردوودا كۆمه‌ڵێك له كۆڵبه‌رانی كورد له سنووری سه‌رده‌شت له‌لایه‌ن هێزه‌كانی كۆماری ئیسلامیی ئێران ته‌قه‌یان لێده‌كرێ و كه‌سێك به ناوی عومه‌ر تات گولله‌ی وه‌لاقی ده‌كه‌وێ و به سه‌ختی بریندار ده‌بێ.
هاوكات له ناوچه سنوورییه‌كانی سه‌ربه شاری پیرانشار ژماره‌یه‌ك كۆڵبه‌ری دیكه ده‌كه‌ونه بۆسه‌ی هه‌نگی مه‌رزی و پاش راودۆنانی و ته‌قه لێكردن كه‌سێك به ناوی فه‌تاح ڕێزوان له شاخ هه‌ڵده‌دێردرێ و به سه‌ختی بریندار ده‌بێ و به هۆی سه‌ختیی برینه‌كه‌ی له‌لایه‌ن هاوڕێیانییه‌وه بۆ نه‌خۆشخانه‌یه‌كی شاری ورمێ ده‌گوازرێته‌وه.
ئه‌وه له حاڵێكدایه كه كاربه‌ده‌ستانی كۆماری ئیسلامیی ئێران ده‌ڵێن تا ئێستا هیچ كۆڵبه‌ر و كاسبكارێك له سنووره‌كانی كوردستان نه‌كوژراون و ئه‌وانه‌ی كوژراون قاچاخچین.
27/1/2018
