^{سەرەڕای ئەوەی پارێزگاری کرماشان و هەندێ لە پەرلەمانتارانی ئێران هەواڵی زیابوونی ڕێژەی گیان لەدەستدانی منداڵانی بوومەلەرزەلێدراویان ڕەت کردووەتەوە، بەڵام سێیەمین منداڵ بەهۆی سەرماوە گیانی لەدەست دا.}

^{بەپێی هەواڵ و زانیاریی تۆڕە کۆمەڵایەتییەکانی کرماشان منداڵێکی تەمەن چوار ساڵ لە شاری سەرپێڵ، زەهاو بەهۆی سەرما و سۆڵە و نەبوونی پێداویستییەوە گیان لەدەست داوە.}

^{ڕۆژنامەی شەرقی تارانیش بە بڵاوکردنەوەی ئەم هەواڵە مەرگی ئەو منداڵەی پشتڕاست کردووەتەوە، پێشتریش کچێکی تەمەن یەک ساڵ و نیو و کچێکی تەمەن 17 ساڵ و خاوەن پێداویستیی تایبەت لەناو بوومەلەرزەلێدراوانی کرماشان بەهۆی سەرماوە گیانیان لەدەست داوە.}

^{دوو منداڵەکە ناویان "سارینا و محەمە" بووە و شەهاب نادری نوێنەری شاری پاوە لە پەرلەمانی ئێران بەبێ ئاماژە بە وردەکاریی زیاتر گوتی لە شاری سەرپێڵ‌زەهاو چەند منداڵ بەهۆی سەرماوە گیانیان ەلدەست داوە.}

^{هەرچەند زیاتر لە 70 ڕۆژ بەسەر بوومەلەرزەکەی کرماشاندا تیدەپەڕێت، بەڵام سەرەڕای بەڵێنییەکانی حکوومەت و سوپای پاسداران بۆ دابینکردنی کابینە و نیشتەجێکردنی خەڵکی لێقەوماوی بوومەلەرزەکەی سەرپێڵ‌زەهاو و شارەکانی دیکە، بەڵام خەڵک لەناو سەرما و سۆڵەدا لەوپەڕی بێدەرەتانیدا دەژین.}

^{بەپێی هەواڵی میدیا ناوخۆییەکان هەتا ئێستا 21 کەس لە لێقەوماوانی بوومەلەرزەکەی کرماشان بەهۆی زەخت و گوشاری ئابووری و دەروونییەوە کۆتاییان بە ژیانی خۆیان هێناوە.}

^{نزیکەی 15 حاڵەتی ئاگرکەوتنەوە لەناو خێوەتەکان ڕووی داوە و چوار کەس بەو بۆنەوە گیانیان لەدەست دا، سەرەڕای نەبوونی ئیمکانات وەرزی سەرما و بەفر و بارانیش هێندەی دیکە ژیانی خەڵکی لێقەوماوی دژواتر کردووە.}

27/1/2018