^{زیندانییەکی سیاسی کورد لە گرتووخانەی ناوەندیی شارئی سنە بە ئێعدام مەحکووم کرا.}

^{بەپێی هەواڵەکان: دادگای ئینقلابی شاری سنە لە حوکمێکدا، ڕامین حوسێن پەناهی، زیندانیی سیاسیی کورد مەحکووم بە ئێعدام کرد. ئەو حوکمە ئەمڕۆ پێنجشەممە ٥ی ڕێبەندان بە ناوبراو ڕاگەیەندراوە.}

^{ڕامین حوسێن پەناهی بە تۆمەتی "هەواڵدان دژی تەناهی نەتەوەیی و ئەندامبوون لە کۆمەڵە" و هەروەها" هەڵگرتنی چەک و شەڕ و تێکهەڵچوونی نیزامیی" تاوانبار کرابوو، ناوبراو تەواوی ئەو تۆمەتانەی ڕەت کردبووە و بە بێ "بنەما و تەنیا سناریۆی سازیی وەزارەتی ئیتلاعات" ڕاگەیاندبوو.}

^{یەکەم دادگای ئەو زیندانییە سیاسییە کورد، ڕۆژی دووشەممە ٢٥ی بەفرانبار لە ٤ لقی یەکی دادگای ئینقلابی شاری سنە بە سەرۆکایەتی دادوەر "سەعیدی" و دادوەرێکی دیکە بەڕێوەچووبوو.}

^{ئەو زیندانییە سیاسیە کوردە، پاش زیاتر لە ٢٠٠ ڕۆژ لە دەستبەسەر کردنی لە ژووری تاکەکەسی ئیدارەی ئیتلاعات و سپای پاسداران ١٩ی بەفرانباری ئەمساڵ بۆ زیندانیی ناوەندیی شاری سنە گوێزرایەوە.}

^{ڕامین حوسێن پەناهی، ڕۆژی هەینی ٢ی پووشپەڕ، لە شەڕ و تێکەڵچوونێکدا لەگەڵ هێزەکانی سپای پاسداران لە شاری سنە بە سەختی بریندار بوو و لە لایەن هێزەکانی سپاوە دەستبەسەر و پێش لە تەواو بوونی قۆناغی دەرمانی لە نەخۆشخانەی شاری سنە بۆ گرتووخانەی سپا گوازرایەوە. پاش دەستەبسەر کردنی ڕامین، هێزە ئیتلاعاتییەکان هەوڵی دەستبەسەر کردنی بنەماڵەی حوسێن پەناهیان دا.}

25/1/2018