^{ڕێکخراوی ئیتلاعاتی سپای "بیت المقدس"ـی کوردستان داوای هەڵسووکەوتی ئەمنییەتی لەگەڵ چالاکانی سیاسی و مەدەنی لە کوردستان کردووە.}

^{بەپێی هەواڵی  هەواڵدەریی کوردپا، ڕێکخراوی ئیتلاعاتی "بیت المقدس"ـی کوردستان، لە هەوڵی ئەوە دایە کە ژمارەیەک لە چالاکانی سیاسی و مەدەنیی بە تۆمەتی "پەیوەندیی لەگەڵ ڕاگەیەندنەکان لە دەرەوەی وڵات"دا، دەستبەسەر بکات.}

^{بە وتەی سەرچاوەیەکی ئاگادار، لە سەرەتای دەستپێکردنی ناڕەزایەتییە خەڵکییەکان لە ئێران و کوردستان، هێزە ئیتلاعاتییەکانی سەر بە ڕێکخراوی ئیتلاعاتی سپای "بیت المقدس" لە دونیای مەجازیدا هێندێک لە چالاکانی سیاسی و مەدەنی "بە دژە شۆڕش" ناوزەد کردووە.}

^{ئەو سەرچاوەیە دەڵێت: "هێزە ئیتلاعاتییەکان چالاکانی سیاسی و مەدەنیی بە تۆمەتی "پەیوەندیی لەگەڵ ڕاگەیەندنەکان لە دەرەوەی وڵات" تاوانبار و داوای کردووە لەگەڵ ئەوان هەڵسووکەوتی ئەمنییەتی بکرێت.}

^{لەگەڵ دەسپێکردنی ناڕەزایەتییە خەڵکییەکان، ئیدارەی ئیتلاعاتی شاری سنە و حیفازەت ئیتلاعاتی سپای پاسدران لە ڕێگای پەیوەندی تەلەفوونی، هەڕەشەیان لە ڕۆژنامەنووسان و چالاکانی مەدەنی کورد کردووە کە بە هیچ شێوەیەک لە پەیوەندی لەگەڵ ناڕەزایەتییە خەڵکییەکان هیچ جۆرە بابەت و هەواڵ بڵاو نەکەنەوە و پشتیوانیشیان لێ نەکەن.}

^{ئەو دوو ناوەندە ئیتلاعاتییە بە ڕۆژنامەوان و چالاکانی مەدەنیی کوردیان ڕاگەیاندووە، لە ئەگەری پشتیوانی لە ناڕەزایەتییە خەڵکییەکان لەگەڵ هەڵسووکەوتی قەزایی بەڕەوڕوو دەبنەوە.}

^{چەمکی"دژە شۆڕش" لە ئەدەبیاتی سیاسی کۆماری ئیسلامیی ئێران، بە کەس یان لایەنێک دەوترێ، کە چالاکی سیاسی خۆیان بە پێچەوانەی سیاسەتی فەرمی دەسەڵاتی ئێستای ئێران ئەنجام دەدەن.}

13/1/2018