^{پاش هاتنەسەر شەقامی خەڵکی وەزاڵەهاتووی ئێران، ڕێژیمی ئێران لە ڕێکارێکی نوێدا بۆ پێشگیری لە ناڕەزایەتی دەربڕینی خەڵک، وامی ئیزدواجی زیاد کردووە.}

^{پاش ئەوەی کە ڕێژیمی ئێران لە هەمبەر خەڵکی ناڕازی کە تووڕەیی و بێزاری خۆیان لەو رێژیمە لە زۆربەی شارەکانی ئێران دەربڕیوە و دروشمی ڕووخانی ڕێژیمیان داوە، داماو و دەستەوەستان بووە و بۆ دامرکانی دەنگی خەڵک و بەتایبەت گەنجان، سەرکۆماری ڕێژیمی ئێران بڕیاری داوە کە وامی ئیزدواج بۆ ١٥ میلیۆن تمەن زیاد بکرێت.}

^{حەسەن ڕۆحانی ڕۆژی دووشەممە ١٨ی بەفرانباری ١٣٩٦ی هەتاوی، سەردانی وەزارەتی دارایی و ئابووری کردووە و پاش ئەو سەردانە، مەسعوود کەرباسیان لە دیمانەیەکی تەلفزیۆنیدا وتوویە: کە سەرکۆمار وامی ئیزدواجی بۆ ١٥ میلیۆن تمەن زیاد کردووە.}

^{بەڵێنی زیاد کردنەوەی وامی ئیزدواج لە حاڵێک دایە، کە زۆربەی بونیادە ئابوورییەکانی ئێران تووشی قەیران هاتوون و ئابووری ئێران بەگشتی داڕمانێکی بێوێنەی بە خۆیەوە بینیوە.}

^{لە لایەکەوە حکوومەت بۆ قەرەبوو کردنەوەی ئەو داڕمانە ئابوورییە، نرخی شتومەکی گران کردووە و لە لایەکیشەوە پاش هاتنە سەر شەقامی خەڵک و ناڕەزایەتییەکان، بەڵێنی وامی ١٥ میلیۆن تمەنی بە گەنجان دەدات.}

^{بەپێی قسەی خۆدی بەرپرسانی ڕێژیم، نێونجی تەمەنی ئەو کەسانەی کە هاتوونەتە سەر شەقام و دژ بەو ڕێژیمە وەستاونەتەوە لە نێوان ١٦ هەتا ٢٤ ساڵانن و تەنیا ڕێکاری ڕێژیمی ئێران بۆ هەموو ئەو داواکارییە ڕەوایانەی خەڵکی ناڕازی، ئەوەیە کە وامی ئیزدواجیان پێ بدات تا ژیانی هاوبەش پێک بێنن و کاریان بە ناڕەزایەتی دەربڕین و دەوڵەت و ڕێژیمەوە نەبێت.}

10/1/2018