^{پاش کۆبوونەوە ناڕەزایەتییە خەڵکییەکان لە ئێران و کوردستان، ناوەندە ئیتلاعاتییەکان، خەریکی دروست کردنی کەشوهەوای ترس لە کوردستانن.}

^{بەپێی هەواڵی ئاژانسی هەواڵدەریی کوردپا، پاش ناڕەزایەتییە خەڵکییەکان لە ئێران و کوردستان، ناوەندە ئیتلاعاتییەکان بە ڕێخستنی کاناڵگەلێک لە دنیای مەجازی لە هەوڵی ناساندنی و دەسبەسەر کردنی هاووڵاتییانی ناڕازی دان و لە نوێترین هەوڵدا، ئیدارەی ئیتلاعات شاری سنە، بە ڕێخستنی کاناڵێک لە دنیای مەجازی بە بڵاوکردنەوەی وێنەی هاووڵاتییانی ناڕازی، داوا لە خەڵک دەکات کە بۆ ناساندن و دەسبەسەر کردنی ئەو هاووڵاتییان هاوکاریی ئیدارەی ئیتلاعات بکەن.}

^{ئیدارەی ئیتلاعاتی شاری سنە، هاووڵاتییانی بەشداربووی کۆبوونەوە ناڕەزایەتییەکان بە "ئاژاوەچی و سەر بە لایەنە سیاسییەکانی دژبەری حکوومەت" بە خەڵک ناساندووە.}

^{ئیتلاعاتی سپای پاسدارانی کرماشانیش هەروەها بە ڕێخستنی کانالگەلێک لە دنیای مەجازی هاووڵاتییانی بەشداربوو لە کۆبوونەوە ناڕەزایەتییە خەڵکییانە بخەنە ژێر چاوەدێری بۆ دەسبەسەر کردنیان.}

^{ئیتلاعاتی سپای پاسداران بە ڕێخستنی ئەو کاناڵانە و بڵاوکردنەوەی وێنەی ناڕازییان و لیدەرەکانی ئەو خۆپیشاندانانەدا، لە هەوڵی دەسبەسەر کردنیان دایە و داوای لە خەڵک کردووە، لەو پەیوەندییەدا هاوکاریی ناوەندە ئەمنییەتییەکان بکەن.}

^{چالاکانی مەدەنی کوردستان لەو باوەڕەن، کە ناوەندە ئیتلاعاتییەکان لەو هەوڵەیاندا خەریکی دروست کردنی کەشوهەوای ترس و دڵەڕاوکێی لە نێو هاووڵاتییانن، هەتا پێش بە کۆبوونەوە ناڕەزایەتییەکان بگرن.}

9/1/2018