شۆڕای ئاسایشی ناودەوڵەتی، لەسەر داوای ئەمریکا، لەمەڕ ناڕەزایەتییەکانی ئێستای ئێران کۆبوونەوە

ئەو کۆبوونەوە کاتژمێر ١١:٣٠ شەوی هەینی ١٥ی بەفرانباری ١٣٩٦ی هەتاوی/٥ی ژانویەی ٢٠١٨ بە کاتی ئێران بەڕێوە چوو.

^{ڕووسیە بە گشتی لەگەڵ ئەو کۆبوونەوەیە ناڕەزایەتی دەربڕیوە و بە دەست تێوەردان لە کاروباری ناوخۆیی ئێرانی دەزانێ.}

^{ئەو کۆبوونەوەیە لە حاڵێکدا بەڕێوە دەچێ کە تا ئێستا لانیکەم ٢٣ کەس لە ناڕازیەکان لە شارە جیاجیاکانی ئێران کوژراون و زیاتر لە ٤٥٠ کەسیش دەستبەسەر کراون.}

^{نیکی هیلی لە دانیشتنی ئەمشەودا گوتی: “جیهان بینەری ڕووداوکی دهەژێن لە سووریە بوو. کارەساتگەلێک کە لەلایەن دەوڵەتی مرۆڤکوژەوە کە مافی دەنگ هەڵبڕینی لە خەڵکەکەی زەوت کردبوو، هاتە ئاراوە. ئێمە ناهێڵین ئەو ڕووداوە لە ئێران ڕوو بداتەوە”.}

^{نوێنەری سوید لەو دانیشتنەدا گوتی: “ئێمە سەرکوتی خەڵک لە ئێران مەحکووم دەکەین، داواشمان لە سەرۆک کۆمار ڕووحانی کردووە کە ڕێز لە مافی دەنگ هەڵبڕین و ڕێپێوانی هێمنانەی خەڵک بگرێ. ڕێکەوتنی ناوکی لەگەڵ ئێران، گارانتیکەری ئاشتی و سەقانگیری لە جیهانە.”}

^{نوێنەری پۆلەند (لەهێستان) گوتی: “ئێمە لە نزیکەوە، بەدواداچوونمان بۆ ئەو ڕووداوانەی ئێران کردووە. ئێران دەبێ ڕێز لە مافی مەدەنی و مافە بنەڕەتیەکان بگرێ. لەهێستان، داوا لە هەر دوو لایەنی دەوڵەت و خەڵکی ناڕازی دەکات، پێکەوە دانیشن و دانوستان بکەن. ئێران وڵاتێکی گرنگە لە ئاسایش و سەقامگیریی ناودەوڵەتی ـدا.”}

^{نوێنەری بریتانیا گوتی: “دڵەڕواکێی بریتانیا لە پێشێلکاریی مافی مرۆڤ لە ئێران، زیاتر و سەرتر لە سەرکوتی ئەو ناڕەزایەتیانەی ئەو دواییانەی ئێرانە.”}

^{وێنەری کویەتی لە نەتەوە یەکگرتووەکان لەو کۆبوونەوە بەپەلەیدا گوتی: “ئێمە دەبێ شۆڕای ئاسایش بۆ پێشگرتن لە هاتنە ئارای قەیران بەکار بێنین و دەور ببینێ. پەیوەندیی نێوان وڵاتەکان لە جاڕنامەی نەتەوە یەکگرتووەکاندا دیاری کراوە و دەبێ ڕێزیش لە دەسەڵاتی وڵاتان و خۆتێهەڵقووتاندن لە کاروباری ناوخۆیی وڵاتانی تر بگرین. زۆرێک لە وڵاتان لەو ساڵانەی دواییدا، ڕێپێوانی هێمنانەیان تێدا بەڕێوە چووە کە دواتر کێشاویەتە توندوتیژی و دەست تێوەردانی دەرەکی. ئێران وڵاتی دراوسێی ئێنەیە و کوەیت و ئێراان، پەیوەندیی مێژووییان پێکەوە هەیە”.”}

^{وێنەری هولەندیش لەمبارەوە گوتی: “لە ئێران، شایەتی توندوتیژیەکی جێگای نیگەرانی بووین، پێدەچێ دۆخەکە هێورتر بووبێتەوە. مافی ئازادیی ڕادەربڕین و ڕێپێوانی هێمنانە، مافی سەرەتایی خەڵکە. ئێمە لەگەڵ بەرپرسانی ئێران لە پەیوەندی دابووین و داوامان لێکردوون تا ڕێز لە مافی مرۆڤ بگرن.”}

6/1/2018