^{به هۆی گرانیی کاڵا و ناکارامەیی بەرپرسانی ڕێژیمی ئێران لە کوردستان و ئێران خەڵک دژی ئەو ڕێژیمە ڕاپەڕیون و خۆپیشاندانەکان بەردەوامن.}

^{بەپێی هەواڵەکان: ئەمڕۆ هەینی ڕێکەوتی ٨ی بەفرانباری ١٣٩٦ی هەتاوی، خەڵکی کرماشان لە کوردستانی ڕۆژهەڵات، دژی بەرپرسانی ڕێژیمی ئێران، کە توانای بەڕێوەبردنی وڵاتیان نیە و کێشەکانیان بۆ چارەسەر ناکرێت خۆپیشاندانیان بەڕێوە بردووە.}

^{خۆپیشاندەران لە کرماشان دژی ڕێژیم دروشمی وەک "زندانی سیاسی باید آزاد گردد"، "مرگ بر دیکتاتور"یان بەرز کردووەتەوە. هەروەها لە کوردستان هێڵی ئینتێرنێت لە زۆربەی شارەکان پچڕاوە هێڵی تەلەفوون کار ناکات و کورتەنامەش بەڕێ ناکرێت و فەزای شارەکان میلیتاریزە کراوە.}

^{هەروەها جێگری پارێزگاری تاران هۆشداری بە خەڵک داوە کە دژی هەر چەشنە کۆبوونەیەوەیەک بە توندی ڕادەوەستن و لەگەڵ خۆپیشاندەران بە توندی هەڵسوکەوت دکرێت.}

^{هەروەها "ئیسحاق جەهانگیری" جێگری یەکەمی سەرکۆماری ڕێژیم گوتوویەتی: "کەسانێک کە لە سەر شەقامەکان حەرەکەتی سیاسی دەکەن ناتوانن ئەو حەرەکەتەش کۆتایی پێ بهێنن".}

^{لە ماوەی چەند ڕۆژی ڕابردوو لە سەرانسەی ئێراندا خەڵک لە شارە جیاوازەکاندا دژی گرانی، قەیرانەکانی کۆمەڵگا، چارەسەنەکردنی کێشەکان و باقی کێشەکانی دیکە دژی ڕێژیمی ئێران هەستاونەتەوە و دروشمی دژی ڕێژیمیان بەرز کردووەتەوە.}

^{ئەمڕۆ جیا لە کوردستانی ڕۆژهەڵات لە شارەکانی دیکەی ئێران وەک خوڕەم ئاباد، لوڕستانیش خۆپێشاندان کراوە و ڕێژیمی ئێران لە ترسی خەڵک گاردی وێژە و هێزی سەرکوتکەری ڕژاندووەتە سەر شەقامەکان و زۆربەی شارەکان بە تەواوەتی میلیتاریزە کراون.}

^{ڕۆژی ڕابردووش، لە شاری مەشهەد و چەند شارێکی دیکەی ئێران وەک "بووشێهر، گناوە، کاشمەر، نەوشەهر، شاهروود و یەزدی" خەڵکی نیسبەت بە گرانی و گەندەڵی و و بەتاڵانبردبی سامان و داراییەکان لە لایەن بەرپرسانی ڕێژیمەوە دەستیان بە خۆپیشاندان کرد.}

^{خۆپێشاندەران لەم خۆپیشاندانانەدا دروشمی دیکەی وەک "مرگ بر دیکتاتور"، "مرگ بر روحانی" و چەندین دروشمی دیکەیان دژی ڕێژیمی ئێران وتووەتەوە.}

^{لە ماوەی یەک حەتووی ڕابردوودا، شەپۆلێک لە گرانیی سەرسووڕهێنەر سەرانسەری ئێرانی گرتووەتەوەو بە هۆی نەبوونی کار و بێکاری ئەم دۆخەی هێندەی دیكە ژیان و گوزەرانی هاووڵاتییانی ئاڵۆزتر كردووە.}

٢٩/١٢/٢٠١٧