(2).jpeg)
رۆژێک دوای خۆپێشاندانی بەربڵاوی خەڵکی شارەکانی مەشهەد و ئیسفەهان بە دژی “گرانی و گەندەڵی” ئەمرۆ هەێنی ڕێکەوتی ٨ی بەفرانبار خەڵکی وەزاڵەهاتووی کرماشان لە خۆپێشاندانێکی بێ وێنە بەرانبەر بە سیاسەتەکانی کۆماری ئیسلامیی ئێران ناڕەزایەتییان دەربڕی.
زانیارییەکان باس لەوە دەکەن کە پاش‌نیوەڕۆی ٨ی بەفرانبار سەرەڕای زاڵبوونی کەشێکی ئەمنیەتی بەسەر شارەگەورەکانی ئێران، خەڵکی کرماشان بە سەردانی دروشمگەلی یان مەرگ یان ئازادی و هەروەها “زیندانی سیاسی دەبێ ئازاد بکرێ”، لەهەمبەر دەسەڵاتی دژەخەڵکی کۆماری ئیسلامی خۆپێشاندانیان بەڕێوە برد.
بە وتەی شایەتحاڵان هێزەکانی دژە شۆڕش و پۆلیس هێرشیان کردووتە سەر خەڵک و تێکهەڵچوون رووی داوە.
بە پێی هەولاڵەکان ئەمرۆ هەێنی خەڵکێکی فراوان بە گردبوونەوە لە مەیدانی ئەسڵی شاری کرماشان و چەندین شەقامی ئەوشارە بەرانبەر بە گرانی وگەندەڵی و هەروەها کەمتەرخەمیی بەرپرسانی باڵای رێژیم ناڕەزایەتییان دەربڕی و ئەو گردبوونەوە بە هەڵکوتانی پۆلیس و هێزە ئەمنییەکان توند وتیژی لێکەوتەوە.
زانیارییەکان باس لەوە دەکەن کە شیرکەتی “خاتم النبیاە” سپاە پاسداران لە لایەن خەڵکەوە سوتێندراوەو ، لە شوێنێکی دیکەی ئەوشارە ئاڵای کۆماری ئیسلامییان هێناوەتەوە خوارەوە.
شایانی باسە چەند رۆژە بەبەربڵاوی لە شارەکانی مەشهەد و ئیسفەهان و زەنجان و کرمان و کرماشان نارەزایەتییەکانی خەڵک بەرانبەر بە “گرانی و گەندەڵی” دەستی‌پێکردووە.
29/12/2017
