^{دادگای ئینقلابی شاری سەقز دوو چالاکی مەدەنی کوردی خەڵکی ئەو شارەی بە ١٠٠ زەربە قامچی و سێ میلیۆن و ٦٠٠ هەزار تمەن سزای نەختی مەحکووم کرد.}

^{بەپێی هەواڵی ئاژانسی هەواڵدەریی کوردپا، دادگای ئینقلابی شاری سەقز، "منارە مەلاوەیسی" و"ئەیووب جەوان پوور"، لە چالاکانی مەدەنی شاری سەقز بە لێدانی قامچی و سزای نەختی مەحکووم کرد.}

^{بە پێی ئەو حوکمە بۆ هەر کام لەو دوو چالاکە مەدەنییە، ٥٠ زەربە قامچی یەک میلیۆن و ٨٠٠ هەزار تمەن سزا بڕاوتەەوە.}

^{ئەو دوو چالاکە مەدەنییە کوردە بە تۆمەتی"بەشداری لە کۆبوونەوەی پشتیوانی لە گشتپرسی سەربەخۆیی کوردستان و تێکدانی نەزمی گشتی" تۆمەتبار کراون.}

^{هەر لەو پەیوەندییەدا، کچە چالاکێکی کورد خەڵکی شاری سەقز، بە ناوی "زەمانە زێوەیی" لە لایەن دەزگای قەزایی حکوومەتی ئێرانەوە بە ٥٠ زەربە شەلاق و ١ میلیۆن و ٨٠٠ هەزار تمەن سزای نەختی مەحکووم کرا.}

^{تۆمەتی وەپاڵدراوی ناوبراو بریتییە لە "کۆبوونەوە بۆ پشتیوانی لە گشتپرسیی سەربەخۆیی کوردستان و تێکدانی نەزمی گشتی" تاوانبار کراوە.}

^{دەوترێت، لە ماوەی ڕۆژانی داهاتوودا دادگای ئینقلابی شاری سەقز دادگایی هاووڵاتییانی دەسبەسەر کراو لە کۆبوونەوەی گشتپرسی سەربەخۆیی کوردستان دەست پێ دەکات.}

^{پاش بەڕێوەچوونی سەرکەوتووانەی گشتپرسی لە کوردستانی باشوور، هاووڵاتییانی کورد لە کوردستانی ڕۆژهەڵات بە لەبەرکردنی جلوبەرگی کوردی و هەڵپەڕکێ و شایی و خۆشی لە شەقامەکان بە نیسبەت بەڕێوەچوونی ئەم گشتپرسییە خۆشحاڵی خۆیان دەربڕیبوو کە دواتر لەگەڵ هەڵسوکەوتی توندی هێزە ئەمنییەتییەکان بەرەوڕوو بوونەوە.}

21/12/2017