^{حکوومەتی ئێران بڕیاریداوە کاری کۆڵبەران بە تەواوی رابگیرێ و لە بەرامبەریشدا 15 بازاڕچە لە ناوچەی سنوورییەکان بکاتەوە.}

^{عەبدولرەزا رەحمانی فەزلی، وەزیری ناوخۆی ئێران بە میدیاكانی ئێرانی راگەیاندووە: "ئەنجوومەنی وەزیرانی ئێران بڕیاریداوە کۆڵبەری بە تەواوی نەهێڵێ، ئەم بڕیارەش کاریگەری کۆمەڵایەتی و ئەمنی بە دوای خۆیدا دێنێ".}

^{بە گوتەی وەزیری ناوخۆی ئێران، 15 بازاڕچەی سنووری لە ناوچە سنوورییەکان دەکرێتەوە و ئەو کەسانەی زیاتر لە سێ ساڵ لە ناوچە سنوورییەکان نشتەجێ بووبن و پێناسەی پیشەوەرییان هەبێت دەتوانن لە رێگای ئەم بازاڕە سنوورییانەوە کەلوپەل هاوردەی ناو خاکی ئێران بکەن.}

^{ئەم بڕیارە لە كاتێكدایە كە لە رۆژهەڵاتی کوردستان 75 هەزار کەس کاری کۆڵبەری دەكەن، لە ماوەی رابردووشدا ژمارەیەكی زۆر لە كۆڵبەرانی بە تەقەی پاسدار و ھێزەكانی دیكەی ئێرانی بوونەتە قوربانی.}

١٨/١٢/٢٠١٧