^{فەرماندەیەکی باڵای سوپای قودسی کۆماری ئیسلامیی ئێران و ژمارەیەک چەکداری میلیشیا ئێرانییەکان لە سووریا، کوژران.}

^{رۆژی شەممە 16/12/2017، ئاژانسی (دیفاع موقەدەس)ی سەر بە فەرماندەیی سەرۆکایەتیی ئەرکانی سوپای ئێرانی بڵاوی کردووەتەوە، کە لیوا مەهدی قەرە محەمەدی، یەکێک لە فەرماندە باڵاکانی سوپای قودس، رۆژی چوارشەممەی رابردوو، کوژراوە.}

^{ئاژانسەکە هەروەها رایگەیاندووە، لیوا مەهدی قەرە محەمەدی لە شەڕەکانی دژی ئۆپۆزسیۆنی سووریا لە شاری دێرەزوور لە رۆژهەڵاتی سووریا، کوژراوە.}

^{هەروەها ئاژانسی (ئەبا)ی ئێرانی بڵاوی کردووەتەوە، کە حەوت چەکداری میلیشیای فاتمییون و زەینەبییونی سەر بە سوپای قودس، لە سووریا کوژراون.}

^{فاتمیون میلیشیایەکی شیعەمەزهەبی ئەفغانییە و زەینەبییونیش شیعەمەزهەبی پاکستانییە. لە سەرەتای شەڕی ناوخۆیی سووریاوە، لەژێر سایەی سوپای قودسی ئێرانی چوونەتە سووریا و بەرگریی لە رژێمی سووریا دەکەن.}

^{سوپای قودسی ئێرانی تایبەتە بە شەڕکردن لەپێناو بەرژەوەندییەکانی کۆماری ئیسلامیی ئێران لە دەرەوەی سنوورەکانی ئەو وڵاتە، بە تایبەت لە عێراق، سووریا، لوبنان، یەمەن و بەحرەین. رۆژی 16ـی ئۆکتۆبەری 2017ش، شاری کەرکووک لەلایەن میلیشیاکانی حەشدی شەعبیی عێراقی و بە سەرپەرشتیی سوپای قودس، داگیر کرا.}

16/12/2017