ڕۆژنامه‌ى (ئیسرائیلى ئه‌مڕۆ)ى ئیسرائیلی، ئاشكراى كرد، دواى بڕیاره‌كه‌ى تره‌مپ، وه‌زاره‌تى ده‌ره‌وه‌ى چیك ڕای گه‌یاندووه، دان به‌وه‌دا ده‌نێن به‌پێی سنوورى 1967 (قودس) پایته‌ختى ئیسرائیله، هاوكات فلیپین و هه‌نگاریا به‌نیازن به‌فه‌رمى هه‌مان بۆچوون ده‌رببڕن.
ڕۆژنامه ئیسرائیلییه‌كه ئاماژه‌ى به‌وه‌داوه، كه له ڕاگه‌یاندراوه‌كه‌ى وه‌زاره‌تى ده‌ره‌وه، هاتووه: "چیك وای ده‌بینێت كه قودس له داهاتوودا ده‌بێته پایته‌ختى هه‌ردوو وڵاتى ئیسرائیل و فڵه‌ستین".
ئه‌وه‌شى ئاشكرا كردووه، كه هاوكات فلیپین و هه‌نگاریا، جه‌ختیان له‌وه كردووه‌ته‌وه، ڕاگه‌یاندراوێكى هاوشێوه‌ى ڕاگه‌یاندراوه‌كه‌ى چیك، بڵاو ده‌كه‌نه‌وه.
جێی ئاماژه‌یه، كه ڕادیۆى ئیسرائیل به‌زمانى عیبرى (زمانى فه‌رمى ئیسرائیل) دوێنێ بڵاویكرده‌وه، ڕۆدڕیگۆ دووتیرتى، سه‌رۆكى فلیپین، نامه‌یه‌كی بۆ ئیسرائیل ناردووه و تێیدا جه‌ختی كردووه‌ته‌وه، باڵیۆزخانه‌ى وڵاته‌كه‌یان له ته‌ل ئه‌بیبه‌وه بۆ قودس ده‌گوازنه‌وه.
دوێنێ چوارشه‌ممه 6/ 12/ 2017، دۆناڵد تره‌مپ، سه‌رۆكى ئه‌مریكا، وه‌ك پایته‌ختى ئیسرائیل دانى به "قودس" نا و فه‌رمانى به وه‌زاره‌تى ده‌ره‌وه كرد، باڵیۆزخانه‌كه‌یان بۆ ئه‌و شاره بگوازنه‌وه.
7/12/2017
