^{ڕۆژنامەنووس و شاعیرێکی کورد بە هۆی جێبەجێ نەکردنی داواکارییەکانی لە گرتووخانەی وەکیل ئاوای شاری مەشهەد مانی لە خواردن گرت.}

^{ڕۆژی دووشەممە ١٤ی سەرماوەز، "عەلیڕەزا سپاهیلایین"، ڕۆژنامەوان و شاعیریكی کوردێکی دانیشتووی مەشهەد کە پێشتر دەستبەسەر کرابوو، بە هۆی جێبەجی نەکردنی داخوازییەکانی، مانی لە خواردن گرتووە.}

^{ئەو ڕۆژنامەنووسە کوردە پاش دەستبەسەرکردنی له حەوتووی ڕابردوودا،دادوەر بۆ ئازادکردنی داوای "وثیقەی ٢٠ میلیۆن تمەنی لێ دەکات و ڕۆژی پێنجشەممە برایەکی ئەو ڕۆژنامەوانە کوردە وثیقەی بۆ ئامادە دەکات، بەڵام دادوەر ئیزنی مورەخەسی پێی نەدا.}

 ^{سەرەڕای هێنانی وثێقە و تەنانەت هێنانی یەکێک لە فەرمانبەرەکان وەکوو کەفیل، دادوەر ئیزن مورەخەسی بەو ڕۆژنامەنووسە کوردە نادات و عەلیڕەزا سپاهی لایین بەو هۆیە مانی لە خورادن گرتووە.}

^{ڕۆژی پێنجشەممە ٩ی سەرماوەز، "عەلیڕەزا سپاهی‌لایین"، ڕۆژنامەنووس و شاعیری کورد لە شاری مەشهەد دەستبەسەر کرا.}

^{ئەم ڕۆژنامەنووسە کوردە ساڵی ١٣٥٠ی هەتاوی لە گوندی "سەنگ دیوار" لەدایک بووە و تا ئێستا ١٠ کتێبی بە زمانەکانی کوردی و فارسی چاپ و بڵاو کردووەتەوە.}

7/12/2017