^{لە بارودۆخی هاووڵاتییەکی کورد بە ناوی "سلێمان سالک" تەمەن ٦٩ ساڵە خەڵکی شاری مەهاباد، پاش دەسبەسەرکرانی، زانیارییەک لەبەر دەستدا نییە.}

^{بە وتەی سەرچاوەیەکی ئاگادار، ئەو هاووڵاتییە پاش ١٦ ڕۆژ لە دەسبەسەری، هەتا ئێستا هیچ پەیوەندییەکی تەلەفوونی لەگەڵ بنەماڵەکەی نەبووە.}

^{ئەو سەرچاوەیە هەروەها ئەوەشی خستە ڕوو؛ سلێمان سالک هەتا ئێستا لە دەستپێڕاگەیشتن بە پارێزەر و چاوپێکەوتن لەگەڵ بنەماڵەکەی، بێبەری کراوە.}

^{ڕۆژی پێنجشەممە ٢٧ی گەلاوێژ، ناوبراو پاش بانگهێشتکردنی بۆ دادگای ئینقلابی پیرانشار، دووبارە دەسبەسەر کرابووە.}

^{ڕۆژی سێشەممە ٢٢ی گەلاوێژ، ئەو هاووڵاتییە بە دانانی بارمتەی ٣ میلیارد تمەنی بە شێوەی کاتی هەتا کاتی دادگاییەکەی لە زیندانی نەغەدە ئازاد کرابوو.}

^{ڕۆژی چوارشەممە ١٢ی گەلاوێژ، ئەو هاووڵاتییە پاش تەواوبوونی ماوەی لێپرسینەوەکەی لە یەکێک لە گرتنگە ئەمنییەتییەکانی ورمێ بۆ زیندانی نەغەدە، ڕاگوێزرابوو.}

^{سلێمان سالک لە ماوەی دەسبەسەرکرانیدا، لە دەستپێڕاگەیشتن بە پارێزەر و چاوپێکەوتن لەگەڵ بنەماڵەکەی بێبەری کراوە.}

^{ئەو هاووڵاتییە، ڕۆژی سێشەممە ٧ی پووشپەڕ، بەبێ بەڵگەی یاسایی لەلایەن هێزە ئەمنییەتییەکانەوە لە جاددەی پیرانشار- مەهاباد، دەسبەسەر کرابوو.}

^{هەتا کاتی بڵاوبوونەوەی ئەم هەواڵە، لە هۆکاری دەسبەسەری و تۆمەتی وەپاڵدراو دژی ئەو هاووڵاتییە، زانیارییەک لەبەر دەستدا نییە.}

سەرچاوە: کوردپا

4/9/2022