^{نێچیرڤان بارزانی: پیرۆزبایی له‌ هاوڕێكه‌م ئیمانوێل ماكڕۆن ده‌كه‌م
سه‌رۆكی هه‌رێمی كوردستان په‌یامێكی پیرۆزبایی ئاراسته‌ی ئیمانوێل ماكڕۆن كرد به‌بۆنه‌ی دووباره‌ هه‌ڵبژاردنه‌وه‌ی وه‌ك سه‌رۆكی فڕه‌نسا.}

^{نێچیرڤان بارزانی سه‌رۆكی هه‌رێمی كوردستان په‌یامه‌ پیرۆزباییه‌كه‌ی له‌ تۆڕی كۆمه‌ڵایه‌تی تویته‌ر بڵاو كردۆته‌وه‌ و تێیدا هاتووه‌ " پیرۆزبایی لە هاوڕێکەم ئیمانوێل ماكڕۆن دەکەم به‌بۆنه‌ی دووبارە هەڵبژاردنەوەی وەک سەرۆکی فەرەنسا".}

^{سه‌رۆكی هه‌رێمی كوردستان هه‌روه‌ها نووسیویه‌تی "هیوام وایه‌ لە نزیکەوە بەردەوام بم لە کارکردن لەگەڵیدا له‌پێناو پەرەپێدانی زیاتری پەیوەندییەکانمان و پتەوکردنی هەوڵەکان بۆ بەرەوپێشبردنی ئاشتی و سەقامگیریی له‌ ناوچه‌كه‌دا".}

^{جێی باسه‌ ئیمانوێل ماكڕۆن ئه‌مڕۆ یه‌كشه‌م له‌ هه‌ڵبژاردنه‌كانی سه‌رۆكایه‌تی فڕه‌نسا توانی 58.2%ی ده‌نگه‌كان به‌ده‌ستبێنێ و بۆ دووه‌مجار ببێته‌وه‌ سه‌رۆكی فڕه‌نسا و به‌سه‌ر ڕكابه‌ره‌كه‌ی مارین لۆپین سه‌ركه‌وێ كه‌ ڕێژه‌ی 41.8%ی ده‌نگه‌كانی به‌ده‌ستهێنابوو.}