^{شاندێکی ئێران لە هەولێری پایتەختی هەرێمی کوردستان لەگەڵ سەرۆک مەسعود بارزانی، نێچیرڤان بارزانی و مەسرور بارزانی کۆبووەوە و باسیان لە برەودان بە پەیوەندییەکانی نێوانیان کردووەتەوە.}

^{کۆنسوڵخانەی ئێران لە هەولێر رایگەیاندووە، رۆژی 10ی نیسان شاندێکی ئێران بە سەرپەرشتیی حەسەن دانایی فەر، باڵیۆزی پێشووی كۆماری ئیسلامیی ئێران لە عێراق لەگەڵ سەرۆک مەسعود بارزانی، نێچیرڤان بارزانی، سەرۆکی هەرێمی کوردستان و مەسرور بارزانی، سەرۆکوەزیرانی هەرێمی کوردستان کۆبووەوە.}

^{بەپێی راگەیێندراوەکەی کۆنسوڵخانەی ئێران لە هەولێر، شاندەکەی ئێران لەگەڵ بەرپرسانی باڵای هەرێمی کوردستان گفتوگۆیان لەبارەی بارودۆخی عێراق و هەرێمی کوردستان و ناوچەکە کردووە.}

^{وەکو لە راگەیێندراوەکەی کۆنسوڵخانەی ئێران لە هەولێر هاتووە، "هەردوولایەن جەختیان لە برەودان بە پەیوەندییەکانی نێوان هەرێمی کوردستان و كۆماری ئیسلامیی ئێران کردەوە."}

12/4/2022