^{فازڵ میرانی سکرتێری مەکتەبی سیاسی پارتی دیموکراتی کوردستان رایدەگەیەنێت، ئەم دەستدرێژیە بۆ سەر هەرێمی کوردستان سەرکۆنە دەکەیەن.}

^{فازڵ میرانی لەبارەی هێرشەکەی شەوی رابردوو بە کوردستان24ـی راگەیاند، راستە قوربانی نەبووە بەڵام زەرەر و زیانی ماددی زۆر بەر هەرێمی کوردستان کەوتووە، حکومەتی عێراق و دەوڵەتەکانی دیکەش دەبێت هەڵوێستیان هەبێت، بە دڵنیاییەوە هەڵوێستی ئێمە و هێزە سیاسیەکانی هەرێمی کوردستان روون دەبێتەوە.}

^{گوتیشی "ئومێدەوارین دووبارە نەبێتەوە، چونکە ئەو لایەنەی بەرپرسیارە لەم کارە، دەزانن پەیوەندی و بەرژەوەندییەکانی نێوانمان چۆنە."}

^{فازڵ میرانی جەختی کردەوە لەوەی، باشترە خۆمان پارێزگاری لە هەرێمی کوردستان بکەین، چونکە بەشێوەیەکی گشتی عێراق ناتوانێت بەرگری لە خۆی بکات، ئێمەش کەوتووینەتە بەشێک لەم عێراقە، بۆیە ئەوەی بەسەر عێراق دێت بەسەر ئێمەش دێتەوە.}

سەرچاوە کوردستان ٢٤

١٣/٣/٢٠٢٢