^{سەرۆکی ڕوسیا ڕایگەیاند، لە هێرشکردن بۆسەر ئۆکرانیا پاشەکشە ناکەن تاوەکو بەتەواوی ئامانجەکانیان بەدەست دەهێنن، سەرۆکی ئۆکرانیاش داوا لە دانیشتوانی ناوچە داگیرکراوەکان دەکات لە دژی ڕوسیا بجەنگن.
بەپێی راگەیەندراوى کۆشکى سەرۆکایەتى روسیا، لە دوو پەیوەندى تەلەفۆنى جیادا لەگەڵ سەرۆکى فەرەنسا و سەرۆکى تورکیادا، ڤلادیمێر پوتین سەرۆکی ڕوسیا باسى لەوەکردووە وڵاتەکەی ئامادەیە گفتوگۆ لەگەڵ ئۆکرانیا بکات ئەگەر دەسەڵاتدارانى کیێڤ داواکارییەکانى روسیا بەبێ مەرج قبوڵبکەن.
هاوکات ڤلادیمێرزیلینسکی سەرۆکی ئۆکرانیا داوای لە وڵاتانی ئەوروپا کرد هاوکاریەکانیان بۆ وڵاتەکەى زیاتربکەن، و فڕۆکەی شەڕکەریان پێبدەن بەتایبەت ئەو فڕۆکانەى کە دروستکراوى روسیان بەوپێیەى فرۆکەوانەکانیان مەشقیان لەسەر ئەو فرۆکانە کردووە.}

^{سەرۆکوەزیرانی بەریتانیاش دەڵێت، دەیانەوێت ئاسایشی ئەوروپا بەهێزتربێت هەروەها ئامژەی بەوەشکرد بەنیازی ئەنجامدانی کۆبوونەوەیەکی دیبلۆماسین لە هەفتەی داهاتوودا لە لەندەن بەمەبەستی سنوردارکردنی ئۆپەراسیۆنەکەی روسیا بۆسەر ئۆکرانیا.}

^{نەتەوە یەکگرتوەکان ڕایگەیاندتاوەکو ئێستا نزیکەی یەک ملیۆن و ٥٠٠ هەزار هاوڵاتی ئۆکرانیا ئاوارە بوون.هەرچەندە ڕوسیا و ئۆکرانیا رێک کەوتببون لە هەردوو شاری ماریۆبۆڵ و فلۆنۆفاغ ڕێڕەوی مرۆیی بۆ دەربازبوونی مەدەنیەکان بکەنەوە بەڵام هێرشەکان لە ناوچانە بەردەوامە و هەردوولاش یەکتر تۆمەتبار دەکەن بە شکاندنی ئاگربەست.}

٧/٣/٢٠٢٢