(2).jpeg)
بافڵ تاڵەبانی، هاوسەرۆكی یەكێتی رایگەیاند، لەناوخۆی حزب دەستمان كردوە بە خۆڕێكخستنەوەو چاكسازیكردن و بە بەرنامەیەكی گشتتگیری هەمەلایەنە تەواوی دامەزراوەكانی حزب نوێدەكەینەوە. دەشڵێت: زۆر ھەوڵماندا یەکڕیزی بپارێزین بەڵام بەداخەوە ئەوە نەکرا کە بۆ ئەوەش بێ ئومێد نەبوین.
ئاوێنە: بەپێی راگەیەندراوێكی نوسینگەكەی، ئەمڕۆ شەممە، بافڵ جەلال تاڵەبانی سەردانی مەکتەبی رێکخستنی یەکێتیی نیشتمانیی کوردستانی کرد و لە میانی کۆبونەوەیدا لەگەڵ لێپرسراو و ئەندامان و راوێژکاران جەختیکردەوە لە نوێکردنەوە و کاراکردنەوەی تەواوی ئۆرگانەکانی یەکێتی، رایگەیاند "یەکێتی سەرباری راپەڕاندنی ئەرکە نیشتمانیی و نەتەوەییەکانی لە ناوخۆی حزبیش دەستمان بە خۆڕێکخستنەوە و چاکسازیکردن کردوە و بە بەرنامەیەکی گشتگیری ھەمەلایەنە تەواوی دامەزراوەکانی حزب نوێدەکەینەوە و بە دونیا بینییەکی فراوانترەوە ئەرکەکان رادەپەڕێنین."
بافڵ جەلال تاڵەبانی لەو کۆبونەوەیەدا وێڕای ئەوەی باسی دوایسن پەرەسەندنە سیاسی و ئەمنییەکانی ناوچەکەو ھەنگاوەکانی پێکھێنانی حکومەتی نوێی عێراقی كردو رایگەیاند "یەکێتی بۆ ھەر پرسێک بەرژەوەندی گشتی لەبەرچاو گرتوە و دەمانەوێت بە سیاسیەتێکی نیشتمانیی کوردستانیی لەبەرامبەر ناوەنددا بوەستینەوەو زۆر ھەوڵیشماندا یەکڕیزی بپارێزین بەڵام بەداخەوە ئەوە نەکرا کە بۆ ئەوەش بێ ئومێد نەبوین."
27/2/2022
