^{ڕۆژی دووشەممە ١٨ی ڕێبەندان، منداڵێکی تەمەن ١١ ساڵ لە عەشایەرەکان بەهۆی تەقینەوەی مین لە شاری قەسری‌ شیرین بریندار بوو.}

^{فەرماندەی هێزە ئینتزامییەکانی شاری قەسری‌ شیرین لەوبارەیەوە بە هەواڵدەریی "ئیلنا"ی ڕاگەیاندووە: ئەو منداڵە لە کاتی لەوەڕاندنی مەڕوماڵات چووەتە سەر مین و دەست و لاقی لەو ڕووداوەدا بریندار بووە".}

^{بە وتەی ئەو بەرپرسە نیزامییە، ئەو منداڵە بۆ چارەسەرکردنی پزیشکی ڕەوانەی نەخۆشخانەی قەسری ‌شیرین کراوە.}

^{لەلایەکی دیکەوە ڕۆژی شەممە ١٦ی ڕێبەندان، منداڵێکی تەمەن ٥ ساڵ بە ناوی "سوهەیل هاشمی" لە شاری مێهران، بەهۆی تەقینەوەی یەکێک لە مینە کۆنەکراوەکان بریندار ببوو.}

^{ئەو منداڵە لە ناوچەی عەشایری "ڕەزا ئاوا" و لە کاتی یاریکردن تووشی ئەو ڕووداوە ببوو.}

^{ئەو منداڵە تەمەن ٥ ساڵەیە لە عەشایری "مێشخاسـ"ـە و بۆ چارەسەرکردنی پزیشکی ڕەوانەی نەخۆشخانەی ئیلام کرابوو}

٨/٢/٢٠٢٢