ئێران و زلهێزانی جیهانی ڕۆژی پێنجشەممە دەستیان بە وتووێژ کردووە بە مەبەستی زیندووکردنەوەی ڕێککەوتنە ناوکییەکەی ساڵی 2015 لە کاتێکدا ڕەنگە ئەم هەوڵانە ئاڵۆزبن بەهۆی بڕیارەکەی ئێران بۆ بەرزکردنەوەی ئاستی پیتاندنی یۆرانیۆم.

^{بڕیارەکەی ڕۆژی سێشەممەی تاران بۆ پیتاندی یۆرانیۆم تا ئاستی %60 لە وەڵامی تەقینەوەیەکی ڕۆژی یەکشەممە لە بنکەی ناوکی سەرەکی ناتانز، باڵی کێشاوە بەسەر تووێژەکانی ڤیەنادا.}

^{ئەو بڕیارەی ئێران بە بڕیارێکی " وروژێنەر" ناودێر کراوە، ئەمەریکا و لایەنەکانی ئەورپای کە بەشدارن لە ڕێککەوتنەکە هۆشدارییان داوە ئەو هەنگاوەی ئێران بە پێچەوانەی هەوڵەکانە بۆ زیندووکردنەوەی ئەو ڕێککەوتنەی سێ ساڵ لەمەوبەر واشنتن لێی کشایەوە.}

^{ڕەتکردنەوەی تاران بۆ ئەنجامدانی وتووێژی ڕاستەوخۆ لەگەڵ ئەمەریکا وایکرد نێوەندگرانی ئەوروپایی لە هەفتەی ڕابردوو لە نێوان هەردوو هۆتێلی کە ئێرانی و ئەمەریکاییەکانی لێبوون هاتوچۆ بکەن تا بتوانن یەکەم خولی وتووێژە ناڕاستەوخۆکان ئەنجام بەدەن کە بە " بونیاتنەر" ناودێر کرا.}

^{ڕۆژی پێنجشەممە ڕۆحانی لە کۆبونەوەیەکی کابینەکەیدا گوتی " خەمی ئێرانتان نەبێت. ئێمە هەمیشە پابەند بووینە بە بەڵێنەکانمانەوە."}

^{ئەو گوتیشی " تەنانەت ئەمڕۆ ئەگەر بمانەوێت، دەتوانین ئاستی پیتاندنی یۆرانیۆم بکەین بە %90، بەڵام ئێمە هەوڵی بەدەستهێنانی چکی ناوکی نادەین. ئەگەر لایەنەکانی تر بگەڕێنەوە بۆ پابەندبوونی تەواو بە ڕێککەوتنەکە، ئێمە پیتاندنی ئاستی %60 و %20 ڕادەگرین."}

۱۶/۴/۲۰۲۱