^{هەواڵنێری "ڕویتێزر" بە پێی وتەی یەکێک لە بەرپرسانی ڕێکخراوی نەتەوە یەکگرتووەکان باسی لەوە کرد، "مایک پۆمپێیۆ وەزیری دەرەوەی ئەمریکا، ڕۆژی پێنجشەممە بە مەبەستی کارا کردنی "مکانیزمی ماشە" و درێژەدان بە گەمارۆکانی کۆماری ئیسلامی سەردانی ڕێکخراوی نەتەوە یەکگرتووەکان دەکات.}

^{بە پێی ئەو ڕاپۆرتە، پۆمپێئۆ دەیهەوێت سکاڵایەک دژ بە کۆماری ئیسلامی لەسەر پێشێل کردنی بڕیارەکانی ڕێککەوتنی ناوکی (بەرجام) پێشکەشی ئەنجومەنی ئاسایشی ڕێکخراوی نەتەوە یەکگرتووەکان بکات.}

^{چاوەڕوان دەکرێت ئەو هەنگاوە نوێیەی ئەمریکا کاردانەوەیەکی تووندی لەلایەن وڵاتانی چین و ڕووسیە بەدواوە بێت.}

^{هەروەها بڕیار وایە پۆمپێئۆ سەردانی "ئانتۆنیۆ گوترێش" بەڕێوبەری گشتی ڕێکخراوی نەتەوە یەکگرتووەکان بکات.}

^{بە پێی ڕێکەوتننامەی بەرجام ٦٢ ڕۆژی دیکە گەمارۆکانی سەر کۆماری ئیسلامی بۆ کڕین و فرۆشتنی چەک و چۆڵی لە سەر هەڵدەگیرێتەوە. ئەمریکا لەو بڕوایەدایە ئەمە دەتوانێت دەستی ڕژیمی کۆماری ئیسلامی بۆ شەرەنگێزی، ئاژاوەنانەوە، ناسەقامگیری و خوێن ڕشتن لە ناوچەکە کراوەتر بکات، هەر بۆیە هەموو هەوڵی خۆی خستووەتە گەڕ پێش بەم پرسە بێنێت.}

19/8/2020