^{روژی سیشەممە ١٧ی پووشپەڕی ١٣٩٩ی هەتاوی، هێزەکانی سپای پاسداران لە بەرزاییەکانی سنووری دەشتی وەزێنەی شاری سەردەشت، شوانێکی خەڵکی ناوچەکەیان کردە ئامانج و کوشتیان.
ناسنامەی ئەم شارۆمەندە کوردە "یووسف ئەحمەدی" خەڵکی گوندی "ئاڵوەتان"ی ناوچەی "میراوێ"ی سەر بە شاری سەردەشتە.
ناوبراو لە کاتی لەوەڕاندنی مەڕوماڵات، بە بێ ئاگادارکردنەوە، لە لایەن هێزەکانی سپای پاسدارانەوە کراوەتە ئامانج و کوژراوە.}

^{لە دۆخی خرابی ئابووری ئێستای ئێراندا کە بە هۆی ڤایرۆسی کۆڕۆنا و هەروەها سیستمی ناکارامەی کۆماری ئیسلامی بۆ پێشگرتن بەم قەیرانانە، دانیشتووانی زۆرێک لە ناوچە پەراوێزخراوەکانی ئێران و بە تایبەت کوردستان بە هۆی هەژاری و بۆ بژێوی ژیان ڕوویان لە کرێکاری، کۆڵبەری و کاسبکاری کردووە کە هەر ڕۆژە بە بیانوویەک لە لایەن هێزەکانی کۆماری ئیسلامیەوە دەکرێنە ئامانج.}

8/7/2020