^{کۆمەڵەی مافی مرۆڤی کوردستان - لە ژنێڤ،لە نامەیەکدا بۆ کۆمیساریای باڵای مافی مرۆڤی نەتەویەکگرتووەکان، ڕێپۆرتێری نەتەوەیەکگرتووەکان بۆ ئێران و یونامی لە عێراق، سەرەڕای مەحکوومکردنی ڕادەستکردنەوە و لە سێدارەدانی مستەفا سەلیمی، خوازیاری لێکۆڵینەوەی جیددی تەسلیمکردنی ناوبراو لەلایەن هەرێمی کوردستانەوە بۆ ئێران، بوو.}

^{کۆمەڵەی مافی مرۆڤی کوردستان - ژنێڤ پرسی ڕادەستکردنی ناڕەوای مستەفا سەلیمی زیندانیی سیاسیی کورد لە ٤٤ هەمین خولی کۆبوونەوەکانی شۆرای مافی مرۆڤ کە بڕیارە لە مانگی ژووئەنی ٢٠٢٠ لە ژنێڤ بەڕێوە بچێت؛ دێنێتە گۆڕێ.}

^{ڕادەستکردنەوەی مستەفا سەلیمی لەلایەن بەرپرسانی هەرێم و ئاسایشی پێنجوێن پێچەوانەی هەموو یاسا و پەیماننامە ناونەتەوەیکانە و بە توندی مەحکوومی دەکەین.}

^{ڕۆژی شەممە ٢٣ی خاکەلێوە، حوکمی ئێعدامی "مستەفا سەلیمی"، زیندانیی مەحکووم بە ئێعدام لە زیندانی سەقز جێبەجێ کرا.}

^{ئەو زیندانییە پاش ناڕەزایەتیی زیندانییان لە زیندانی سەقز، توانی لە زیندان هەڵبێت؛ بە وتەی ڕۆژنامەنووسان و چالاکانی مافی مرۆیی کورد، ناوبراو پاش هەڵاتن لە زیندانی سەقز لە هەرێمی کوردستان دەسبەسەر دەکرێت و دواتر ڕادەستی حکوومەتی ئێران دەکرێتەوە.}

^{مستەفا سەلیمی لە دایکبووی ٤ی پووشپەڕی ساڵی ١٣٤٦ی هەتاویە، ڕێکەوتی ١٦ی خاکەلێوەی ساڵی ٨٢ بە تۆمەتی "هاوکاری لەگەڵ یەکێک لە حیزبە کوردییەکان، دزیی چەکدارانە و موحاربە" لەلایەن دادگای ئینقلابی شاری سەقز، بە سەرۆکایەتی "گودینی" بە ١٥ ساڵ زیندان و ئێعدام مەحکووم کرابوو.}

^{حوکمی ئەو زیندانییە لە لقی ٣١ی دیوانی باڵای وڵات پشتڕاست و ئەو زیندانییە لە ماوەی دەسبەسەر کرانیدا، چەندین جار ناڕەزایەتی سەبارەت بە نادادپەروەرانەبوونی حوکمەکەی دەربڕیبوو و دەستی دابووە مانگرتن لە خواردن.}

13/4/2020