^{سەر لە بەیانی ئەمڕۆ شەممە ٢٣ی خاکەلێوە، حوکمی ئێعدامی "مستەفا سەلیمی"، زیندانیی مەحکووم بە ئێعدام لە زیندانی سەقز لەلایەن کاربەدەستانی ڕێژیمی کۆماری ئیسلامیی ئێرانەوە جێبەجێ کرا.}

^{ئەو زیندانییە بۆ جێبەجێ کردنی حوکمەکەی لە ڕۆژانی ڕابردوودا، بۆ ژووری تاکەکەسیی گوازرابووە.}

^{ئەو زیندانییە پاش ناڕەزایەتیی زیندانییان لە زیندانی سەقز، توانی لە زیندان هەڵبێت.}

^{بە وتەی ڕۆژنامەنووسان و چالاکانی مافی مرۆیی کورد، ناوبراو پاش هەڵاتن لە زیندانی سەقز، له‌ سنووری بانه‌ ده‌سبه‌سه‌ر ده‌كرێ و دواتر حوكمی ئێعدامه‌كه‌ی ئیجرا ده‌كرێ.}

^{مستەفا سەلیمی لە دایکبووی ٤ی پووشپەڕی ساڵی ١٣٤٦ی هەتاویە، ڕێکەوتی ١٦ی خاکەلێوەی ساڵی ٨٢ ده‌سبه‌سه‌ر كرا و بە تۆمەتی "هاوکاری لەگەڵ یەکێک لە حیزبە کوردییەکان" حوكمی ١٥ ساڵ زیندانی به‌سه‌ردا ده‌سه‌پێندرێ و به‌ تۆمه‌تی " دزیی چه‌كدارانه‌ و موحاربە" لەلایەن دادگای ئینقلابی شاری سەقز، بە سەرۆکایەتی "گودینی" حوكمی ئێعدامی به‌دژ ده‌ركرابوو.}

^{حوکمی ئەو زیندانییە لە لقی ٣١ی دیوانی باڵای ڕێژیم پشتڕاست و ئەو زیندانییە لە ماوەی دەسبەسەر کرانیدا، چەندین جار ناڕەزایەتی سەبارەت بە نادادپەروەرانەبوونی حوکمەکەی دەربڕیبوو و دەستی دابووە مانگرتن لە خواردن.}

١٣/٤/٢٠٢٠