^{كیانوش جەهانپور وتەبێژی وەزارەتی تەندروستی ئێران ئامارێكی نوێی قوربانیانی كۆرۆنای بڵاوكردەوە و رایگەیاند لەماوەی 24 سەعاتی رابردوودا دوو هەزار و 389 كە سی دیكە توشی كۆرۆنا بون و 257 كەسی دیكەش گیانیانلەدەستداوە.
وتەبێژی وەزارەتی تەندروستی ئێران، بە تۆماركردنی دوو هەزار و 389 كەسی تر كۆی ژمارەی توشبوون بەكۆرۆنا بۆ 29 هەزار 406 حاڵەت لەو وڵاتە بەرزبۆوە.
هاوكات، ئاماژە بەوەشكرد بە تۆماركردنی 257 حاڵەتی نوێی گیانلەدەستدان، ژمارەی گیانلەدەستدان بە كۆرۆنا لە ئێران بۆ دوو هەزار 234 حاڵەت بەرزبۆوە.
هەر ئەمڕۆ، وەك هەنگاوێك بۆ رێگرتن لە بڵاوبوونەوەی زیاتری پەتای كۆرۆنا، حكومەتی ئێران، بڕیاری درێژكردنەوەی ماوەی راگرتنی پرۆسەی خوێندن و راگراتنی هاتوچۆی نێوان شارەكانی راگەیاند.}