<sup>گوتەبێژی ناوەندی نیشتمانیی بەرەنگاربوونەوەی کۆرۆنا لە ئێران رایدەگەیێنێت، ژمارەی ئەو کەسانەی بەهۆی کۆرۆناوە گیانیان لەدەستداوە گەیشتووەتە 43 کەس. ژمارەی تووشبووانیش گەیشتووەتە 593 کەس.

کیانووش جەهانپوور، گوتەبێژی ناوەندی نیشتمانیی بەرەنگاربوونەوەی کۆرۆنا لە ئێران لە کۆنفرانسێکی رۆژنامەڤانی گوتی: "تەنیا لە ماوەی 24 کاژێری رابردوو 205 تووشبووی نوێ بە کۆرۆنا تۆمارکراون. داوای لە خەڵک کرد خۆیان دوور بگرن لە کۆڕ و کۆبوونەوەکان و ه ۆشدارییەکانی وەزارەتی تەندروستی بە جیددی وەرگرن".</sup>

^{ئەوەش زۆرترین ژمارە لە سەرەتای بڵاوبوونەوەی ڤایرۆسەکە لە ئێران تۆمارکرابێت. گوتەبێژی ناوەندی نیشتمانیی بەرەنگاربوونەوەی کۆرۆنا میدیا بیانییەکان بە بڵاوکردنەوەی هەواڵی ساختە لەبارەی ژمارەی تووشبووان تۆمەتباردەکات.}

^{دوێنێ بی بی سی بەریتانی بە پشتبەستن بە سەرچاوەیەک لە سیستەمی تەندروستیی کە نەیویستبوو ناوی بڵاوبکرێتەوە رایگەیاند، 210 کەس لە ئێران بەهۆی کۆرۆناوە گیانیان لەدەستداوە و ئەو ژمارانەی باسدەکرێن کەمترن لە ژمارە راستییەکە.}

^{جەهانپوور ئاماژەی بەوە کرد، ئەو راپۆرتانە بە مەبەست بۆ خەڵکی ئێران بڵاودەکرێنەوە، "ئەوەی ئێمە بڵاویدەکەینەوە پشتی بە داتاکان و ئامارەکانی تاقیگەکان بەستووە".}

^{بەهۆی بڵاوبوونەوەی خێرای ڤایرۆسەکە بە ئێران، شەقامەکانی تاران چۆڵبوونە و خەڵکی کەمتر دەچنە دەرەوە. لەنێو کەیسە تووشبووەکان، 22 کەس لە گوڵستان تووشبوونە.}

<sup>ژمارەی تووشبووانی نوێ بەپێی شارەکان

- پارێزگای تاران 52 کەس

- پارێزگای قوم 21 کەس

- پارێزگای گیلان 17 کەس

- پارێزگای گولستان 22 کەس

- پارێزگای ئەسفەهان 12 کەس

- پارێزگای مەرکەزی 18 کەس

- پارێزگای مازەندەران 12 کەس

- پارێزگای خوراسان رەزەوی 1 کەس

- پارێزگای ئیلام 1 کەس

- پارێزگای فارس 8 کەس

- پارێزگای ئازەربایجان رۆژهەڵات 6 کەس

- پارێزگای ئەردەبیل سێ کەس

- پارێزگای ئەلبورز 8 کەس

- پارێزگای سمنان چوار کەس

- پارێزگای سنە 5 کەس

- پارێزگای قەزوین 6 کەس

- پارێزگای خوزستان 4 کەس

- پارێزگای سیستان و بەلوچستان 1 کەس

- پارێزگای یەزد 4 کەس</sup>

^2/3/2020