^{بە پێی زانیارییەکان سەرەڕای تێپەڕ بوونی ٨ ڕۆژ لە دەستپێکی خۆپیشاندانەکانی ئێران تا ئێستا جەوی شار و ناوچەکان ئەمنییەتی و میلتاریزە کراوە.}

^{دوای گرانبوونی ٣٠٠٪ نرخی بێنزین خەڵکی شارەکانی ئێران لە ناڕەزایەتی بە گرانی و بارودۆخی نالەباری ژیان و سیاسەتە هەڵەکانی ڕژیمی کۆماری ئیسلامی هاتنە سەر شەقام و خۆپیشاندانەکان بە توندی زۆربەی شارەکانی ئێرانی گرتەوە.
هاتنە سەر شەقامی خەڵکی ناڕازی لە ئێران هەر زۆر زو لەگەڵ سەرکوت و کوشتنی بێ بەزەویانەی هێزە سەرکوت گەرەکانی ڕژیم بەرەو ڕوو بویەوە و هاوکات لەگەڵ سەرکوتی بێ بەزەویانەی هێزەکانی ڕژیم، هێڵی ئینتێرنێت لە لایەن شۆرای ئەمنیەتی ئێرانەوە پچراوە و لە کاتێکدا کە پچڕاندنی هێڵی ئینتەرنێت لە ئێران ٧مین ڕۆژی خۆی تێپەڕ دەکات، سەرچاوەکانی هەواڵی ئاسۆی رۆژهەڵات بە ناردنی هەندێک زانیاری و ویدیۆ باس لەوە دەکەن کە لە شارەکانی کوردستان و ئێران حکومەت نیزامییە و جەوی شارەکان بە تەواوی ئەمنیەتیی کراونەتەوە.}

٢٥/١١/٢٠١٩