(2).jpeg)
ناوه‌ندی راگه‌یاندنی هێزه‌كانی سوریای دیموكرات (هه‌سه‌ده) ئاشكرای كرد: دوای ڕاگه‌یاندنی ئاگربه‌ست، سوپای توركیا و گروپه چه‌كداره هاوپه‌یمانه‌كانی به 190 هێرشی زه‌مینی و 82 هێرشی ئاسمانی، ئاگربه‌ستیان پێشلكردووه.
رۆژی دووشه‌ممه ناوه‌ندی ڕاگه‌یاندنی هێزه‌كانی سوریای دیموكرات- هه‌سه‌ده له ڕاگه‌یه‌ندراوێكدا ئاماری پێشلكارییه‌كانی سوپای داگیركه‌ری توركیا و هاوپه‌یمانه سوریه‌كانی دوای ئاگربه‌ست ئاشكراكرد.
له ڕاگه‌یه‌ندراوه‌كه‌دا هاتووه: دوای ڕۆژی 17ی مانگی ڕابردوو، گروپه سوریه‌كان و سوپای توركیا، 190 جار به هێرشی زه‌مینی و 82 جاریش به هێرشی ئاسمانی له ڕێگه‌ی فڕۆكه‌ی جه‌نگی و فڕۆكه‌ی بێفڕۆكه‌وانه‌وه، ئاگربه‌ستیان پێشلكردووه.
له كۆتاییشدا ئاماژه‌ی به‌وه‌داوه كه، دوای ئاگربه‌سته‌كه و له ئه‌نجامی ئه‌و هێرشانه‌دا، 182 شه‌ڕڤانیان ژیاینان له‌ده‌ستداوه و 243 شه‌ڕڤانیشیان برینداربوون.
12/11/2019
