^{فەڕەنسا و بەڕیتانیا و ئەڵمانیا ئاماژەیان بەوەدا تاوتوێی میکانیزمی دوابڕیاری ناکۆکییەکان دەکەن لە ڕێکەوتنە ناوەکییەکەدا، ئەمەش شتێکە لەوانەیە ببێتە هۆی ئەوەی نەتەوە یەکگرتووەکان سزاکانی بسەپێنێتەوە بەسەر کۆماری ئیسلامی ئێراندا.}

^{ئەو سێ وڵاتە لە بەیاننامەیەکی هاوبەشدا هۆشیاریاندایە ئێران لەسەر ئەو کارانەی لەمدواییانەدا کردوویەتی و بۆتە هۆی قورسکردنی ئەو هەوڵانەی ئەو وڵاتانە دەیدەن بۆ کەمکردنەوەی گرژییەکان لە ناوچەکەدا.}

^{هەروەها نیگەرانی خۆیان دەربڕی سەبارەت بە بڕیارەکەی تاران بۆ دەستپێکردنەوەی پیتاندنی یۆرانیۆم لە کارخانەی ناوەکی فۆردۆ، هەروەها داوایان لێکرد پاشگەز بێتەوە لەو بڕیارە.}

^{داواشیان لە ئێران کرد تەواو هاوکاری دەزگای وزەی ئەتۆمی نێودەوڵەتی بکات دوای ئەوەی پشکنەرێکی ئەو دەزگایەیان لە مانگی 10 دا دەستگیرکرد.}

12/11/2019