^{هەوڵەكانی نێوەندگیریی نێوان ئەمریكا و ئێران، شكست دەهێنن و سەرۆك كۆماری ئێرانیش، تانە لە دیدارەكەی لەگەڵ ترەمپ دەدات.}

^{حەسەن ڕۆحانی سەرۆك كۆماری ئێران لە وتارێكی لەبەردەم كۆمەڵەی گشتیی نەتەوەیەكگرتوەكان، ڕەخنەی لە دیدارەكەی لەگەڵ ترەمپ گرت‌و ڕایگەیاند: وڵاتەكەی هیچ بایەخێك بە گرتنی وێنەی یادەوەریی لەگەڵ سەرۆكی ئەمریكا نادات و لەژێر سایەی سزاكانیشدا، گفتوگۆ لەگەڵ ئەمریكا ناكەن.}

^{پێشتریش لە میانی گفتوگۆیەكی لەگەڵ كەناڵی فۆكس نیوز كە یەكێكە لەو كەناڵانەی بەلای دۆناڵد ترەمپەوە جێگەی بایەخە، ڕۆحانی ڕایگەیاندبوو، ئەگەر سەرۆك ترەمپ دیدار و گفتوگۆی دەوێت، پێویستە كەشێك بۆ دروستكردنی متمانە لەنێوان هەردوولادا دروست بكات.}

^{ئەوەش لەكاتێكدایە هەر یەك لە سەرۆكانی فەرەنساو پاكستان و ژاپۆن و سویسراو ڕاوێژكاری ئەڵمانیا، لە پەراوێزی كۆبوونەوەكانی نەتەوەیەكگرتوەكاندا، هەوڵی دیداری نێوان دۆناڵد ترەمپ و حەسەن ڕۆحانییان دا.}

28/9/2019