گوته‌بێژی وه‌زاره‌تی به‌رگری ئه‌مه‌ریكا دڵنیایی به كورده‌كان دا كه هێرشی چه‌كداری ناكرێته سه‌ر ئه‌وان، به‌ڵكوو ڕێككه‌وتنی ترمان له‌گه‌ڵ كردوون، له‌سه‌ر دروستكردنی فه‌رمانده‌یی هاوبه‌ش و ئامانجی هاوبه‌ش له سووریا و كاركردن له‌سه‌ریان.
شۆن رۆبه‌رتسۆن دووپاتی كرده‌وه، كۆبوونه‌وه سه‌ربازییه‌كانی هه‌ردوولا گه‌یشتوونه‌ته ئه‌نجامێكی خۆش و دڵنیا كه‌ره‌وه، پێشڤه‌چوونی زۆر باش دروست بووه و ڕێككه‌وتنی سه‌ره‌تایی كراوه و هه‌ردوولایش له‌سه‌ری ڕێككه‌وتوون.
زیاتر گوتی، پنتاگۆن و توركیا گه‌یشتوونه‌ته ڕێككه‌وتن، كه سه‌ره‌تا بنكه‌یه‌كی سه‌ربازی و فه‌رمانده‌ییه‌كی سه‌ربازی هاوبه‌ش له توركیا دابنێن، بۆ ئه‌وه‌ی بگه‌ن به پلان و ئامراز و ڕێگه‌چاره‌ی پێویست بۆ دۆخه نه‌خوازراوه‌كان.
هه‌رچه‌نده توركیا بڵاوی كرده‌وه، كه له‌گه‌ڵ واشنتن گه‌یشتوونه‌ته ڕێككه‌وتن له‌سه‌ر دروستكردنی ناوچه‌ی ئارام، به‌ڵام وه‌زاره‌تی به‌رگری ئه‌مه‌ریكا له ڕاگه‌یه‌نراوه‌كه ئاماژه به هیچ وشه‌یه‌ك نه‌داوه له‌باره‌ی دروستكردنی ناوچه‌ی ئارام، به‌ڵكوو سووربوونی ته‌واوه‌تی خۆی له‌سه‌ر كۆكردنه‌وه‌ی چاوه‌كان له‌سه‌ر رێكخراوی تیرۆریستی داعش و هه‌وڵدان بۆ له‌ناوبردن و ڕیشه‌كێشكردنی شانه نووستووه‌كانی دووپات كردووه‌ته‌وه.
له‌لایه‌كی تره‌وه وه‌زاره‌تی ده‌ره‌وه‌ی ئه‌مه‌ریكا دووپاتی كرده‌وه، كه دانوستاندنه‌كان به‌رده‌وامیان ده‌بێ و كاری ڕژ و هاوبه‌ش ده‌كه‌ین، ناوچه‌ی ئارامیش به هیچ شێوه‌یه‌ك نابێت به هۆكارێك بۆ گۆڕینی دیمۆگرافیای ناوچه‌كان.
10/8/2019
